ଚୀନ୍ ଚାପରେ ପାକିସ୍ତାନ ସୀମାରେ ଯୁଦ୍ଧ ବିରତି ଉଲଙ୍ଘନ କରୁଛି ପାକିସ୍ତାନ । ପାକ୍ ସେନା ଗୁଳିରେ ୩ ଭାରତୀୟ ଯବାନ ସହିଦ, ମୁହଁତୋଡ ଜବାବ ଦେଉଛି ଭାରତୀୟ ସେନା ।
କନକ ବ୍ୟୁରୋ : ପାକିସ୍ତାନ ସେନା ଗୁଳିରେ ଆଜି ୩ଜଣ ଭାରତୀୟ ଯବାନ ସହିଦ ହୋଇଛନ୍ତି । ଏହା ସହିତ ୫ ଜଣ ଯବାନ ଗୁରୁତର ହୋଇଥିବା ସୂଚନା ମିଳିଛି । ଏଭଳି ଅତର୍କିତ ଆକ୍ରମଣ ପରେ ଭାରତୀୟ ସେନା ସୀମାରେ ସଜାଗ ରହିବା ସହ ପାକିସ୍ତାନ ସେନା ଉପରେ ଗୁଳି ବର୍ଷା କରିଛି । ସେନାର ଜଣେ ବରିଷ୍ଠ କର୍ମଚାରୀ କହିଛନ୍ତି କି ଅର୍ନ୍ତରାଷ୍ଟ୍ରୀୟ ସୀମା ନିକଟରୁ ପାକିସ୍ତାନ ସେନା ଭାରତୀୟ ସେନା ପୋଷ୍ଟକୁ ଲକ୍ଷ କରି ମୋଟାର ମାଡ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେନାର ଜଣେ ପ୍ରବକ୍ତା କହିଛନ୍ତି କି ଉତ୍ତର କାଶ୍ମୀର କୁପୱାରା ଜିଲ୍ଲା ନୌଗାମ ସେକ୍ଟରରେ ପାକିସ୍ତାନ ସେନା ଦ୍ୱାରା ହଠାତ ମୋଟାର ମାଡ କରାଯାଇଥିଲା । ଏଥିରେ ୨ ଜଣ ଯବାନ ସହିଦ ହୋଇଥିଲେ ଓ ୪ ଜଣ ଯବାନ ଆହତ ହୋଇଥିଲେ । ଆହତ ଯବାନ ମାନଙ୍କୁ ସେଠାରୁ ଏକ ସୁରକ୍ଷିତ ସ୍ଥାନକୁ ନେଇ ଚିକିତ୍ସା କରାଯାଉଛି । ଅନ୍ୟପଟେ ଭାରତୀୟ ସେନାର ଆକ୍ରମଣରେ କେତେ ଜଣ ପାକିସ୍ତାନ ସେନା ଜୀବନ ହରାଇଛନ୍ତି ତାହାର କିଛି ସ୍ପଷ୍ଟ ସୂଚନା ମିଳିନାହିଁ ।
ପୂର୍ବରୁ ମଧ୍ୟ ପାକିସ୍ଥାନ ସେନା ଦ୍ୱାରା ପୁଂଚ ସେକ୍ଟରରେ ଅସ୍ତ୍ର ବିରତି ଉଲଙ୍ଘନ କରିଥିଲା । ଯେଉଁଥିରେ କି ଭାରତୀୟ ସେନାର ଜଣେ ଯବାନ ସହିଦ ହୋଇଥିବା ବେଳେ ଜଣେ ଯବାନ ଆହତ ହୋଇଥିଲେ । ଗତ ୮ ମାସ ମଧ୍ୟରେ ପାକିସ୍ଥାନ ଦ୍ୱାରା ୩ ହଜାର ଥର ଅସ୍ତ୍ର ବିରତି ଉଲଙ୍ଘନ କରାଯାଇଛି । ଯାହା କି ଗତ ୧୭ ବର୍ଷ ମଧ୍ୟରେ ସର୍ବାଧିକ । ୨୦୦୩ ମସିହାରେ ଭାରତ ଓ ପାକିସ୍ଥାନ ମଧ୍ୟରେ ଅସ୍ତ୍ର ବିରତି ଚୁକ୍ତି ସ୍ୱାକ୍ଷରିତ ହୋଇଥିଲା । ଏହା ପରେ ପ୍ରତି ସପ୍ତାହରେ ଅନେକ ଥର ପାକିସ୍ତାନ ଏହି ଚୁକ୍ତିର ଉଲଙ୍ଘନ କରୁଥିବା ଦେଖିବାକୁ ମିଳିଛି ।