କ୍ୟାମେରା ସାମ୍ନାରେ କରୋନା ଟିକା ନେବେ ଏହି ୩ ପୂର୍ବ ରାଷ୍ଟ୍ରପତି । କହିଲେ ବଢାଇବ ଲୋକଙ୍କ ବିଶ୍ୱାସ । ଟିକା ସୁରକ୍ଷିତ ଥିବା କଥା ସ୍ପଷ୍ଟ କଲେ ଓବାମା
କନକ ବ୍ୟୁରୋ : ସାରା ବିଶ୍ୱ କରୋନା ମାହାମାରୀ ଦ୍ୱାରା ପ୍ରଭାବିତ ହୋଇଥିଲେ ବି ଆମେରିକାରେ କରୋନା ଭୂତାଣୁ ତା’ର ତାଣ୍ଡବ ରଚିଛି । ହେଲେ ଏବେ ଏହି ଭୂତାଣୁର ଦମନ ପାଇଁ ପ୍ରସ୍ତୁତ ହୋଇଥିବା ଟିକାକୁ ନେଇ ବେସ୍ ଚଚ୍ଚା ହେଉଛି । ସବୁ ବିକାଶଶୀଳ ରାଷ୍ଟ୍ର ମାନେ କରୋନା ଟିକା ପ୍ରସ୍ତୁତ କରିବା କାମରେ ଲାଗିପଡିଥିବା ବେଳେ କିଛି ଦେଶ ଏବେ ଲୋକଙ୍କୁ ଟିକାକରଣ କରିବାକୁ ପ୍ରସ୍ତୁତ ହୋଇଥିବା ଜଣାପଡିଛି । ଏହା ମଧ୍ୟରେ ଆମେରିକାର ୩ ଜଣ ପୂର୍ବତନ ରାଷ୍ଟ୍ରପତି ବାରାକ ଓବାମା, ବିଲ୍ କ୍ଲିଣ୍ଟନ ଓ ଜର୍ଜ ଡବ୍ଲୁ ବ୍ରୁଶ୍ କ୍ୟାମେରା ସାମ୍ନାରେ ଏହି ଟିକା ନେବେ ବୋଲି ରାଜି ହୋଇଥିବା ଖବର ଏବେ ବେସ୍ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
କ୍ୟାମେରା ସାମ୍ନାରେ ଟିକା ନେବାର କାରଣ କହିବାକୁ ଯାଇ ସେମାନେ କହିଛନ୍ତି କି ଏଭଳି କରିବା ଦ୍ୱାରା କରୋନ ଭ୍ୟାକ୍ସିନ ପ୍ରତି ଲୋକଙ୍କ ବିଶ୍ୱାସ ବୃଦ୍ଧି କରିବା । ଏହି ୩ ଜଣ ପୂର୍ବତନ ରାଷ୍ଟ୍ରପତିଙ୍କ ମତ ହେଉଛି ଏହାଦ୍ୱାରା କେବଳ ଆମେରିକାବାସୀଙ୍କର କରୋନା ଟିକା ପ୍ରତି ବିଶ୍ୱାସ ବୃଦ୍ଧି ପାଇବ ତାହା ନୁହେଁ ବରଂ ସାରା ବିଶ୍ୱରେ କରୋନା ସହ ଲଢେଇ କରିବାକୁ ଲୋକଙ୍କ ସାହସ ଆସିବ ।
କରୋନା ଟିକାକୁ ଆମେରିକାର ଫୁଡ୍ ଆଣ୍ଡ ଡ୍ରଗ୍ ଆଡମିନଷ୍ଟ୍ରେଶନର ମଞ୍ଜୁରୀ ମିଳିବା ପରେ ବି ଏହାର ପ୍ରଭାବ କିଭଳି ରହିବ ତାହାକୁ ନେଇ ଏବେବି ଆମେରିକାବାସୀଙ୍କ ମଧ୍ୟରେ ସନ୍ଦେହ ରହିଛି । ବୁଧବାର ଏକ ଗଣମାଧ୍ୟମକୁ ସାକ୍ଷାତକାର ଦେଇ ଓବାମା କହିଛନ୍ତି କି ଆମେରିକାର ସଂକ୍ରାମକ ରୋଗ ବିଶେଷଜ୍ଞ ଏନ୍ଥେନି ଫାସିଙକ ଉପରେ ମୋର ପୁରା ବିଶ୍ୱାସ ରହିଛି । ସେ ହିଁ ଭ୍ୟାକ୍ସିନ ସୁରକ୍ଷିତ ଥିବା କଥା ମୋତେ କହିଛନ୍ତି । ତାଙ୍କ ଉପରେ ବିଶ୍ୱାସ ରଖି ଭ୍ୟାକ୍ସିନ୍ ନେବାକୁ ମୁଁ ରାଜି ହୋଇଛି ବୋଲି ଓବାମା କହିଛନ୍ତି । ଅନ୍ୟପଟେ ବିଲ୍ କ୍ଲିଣ୍ଟନ କହିଛନ୍ତି କି ସାର୍ବଜନିକ ଭାବେ ସେ ଏହି ଟିକା ନେବାକୁ ପ୍ରସ୍ତୁତ ଅଛନ୍ତି ।