କନକ ବ୍ୟୁରୋ : କିଛିଦିନ ହେବ ଜମ୍ମୁ-କାଶ୍ମୀରର ବିଭିନ୍ନ ଅଞ୍ଚଳରେ ଆତଙ୍କାବାଦୀମାନେ ମାତିଥିବା ବେଳେ ସୁରକ୍ଷା କର୍ମୀବି ଏହାର ମୁହଁତୋଡ ଜବାବ୍ ଦେବାରେ ଲାଗିଛନ୍ତି । ଏହି କ୍ରମରେ ଦକ୍ଷିଣ କାଶ୍ମୀର ପୁଲୱାମା ଜିଲ୍ଲାର ଅବନ୍ତିପୁରା ନାଗବେରିୟନ ଅଞ୍ଚଳରେ ଆଜି ସୁରକ୍ଷା କର୍ମୀଙ୍କ ଗୁଳିରେ ୩ ଜଣ ଆତଙ୍କବାଦୀ ନିହତ ହୋଇଛନ୍ତି । ମୃତ୍ୟୁବରଣ କରିଥିବା ସମସ୍ତ ଆତଙ୍କବାଦୀ ଜୈଶ ଆତଙ୍କବାଦୀ ଗୋଷ୍ଠୀର । କହିରଖୁ କି ଗତକାଲି ବି ଅବନ୍ତିପୁରା ଠାରେ ସେନା ଗୁଳିରେ ୨ ଜଣ ହଜିବୁଲ ମୁଜାହିଦ୍ଦିନ ଆତଙ୍କବାଦୀ ଗୋଷ୍ଠୀର ୨ ଜଣ ଆତଙ୍କୀ ପ୍ରାଣ ହରାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
Three unidentified terrorists affiliated with proscribed terror outfit JeM killed. Search operation underway, further details awaited: Jammu a& Kashmir Police
— ANI (@ANI) August 21, 2021
ସୂଚନା ମୁତାବକ ଭାରତୀୟ ସୁରକ୍ଷା ବିଭାଗକୁ ଗୁଇନ୍ଦା ସୂଚନା ମିଳିଥିଲା କି, କିଛି ଆତଙ୍କବାଦୀ ପୁଲୱାମା ଅବନ୍ତିପୁରାର ନାଗବେରିୟନ ଅଞ୍ଚଳରେ ଲୁଚି ରହିଛନ୍ତି । ସୂଚନା ଆଧାରରେ ସୁରକ୍ଷା ବଳ ପୁରା ଅଞ୍ଚଳକୁ ଘେରାବନ୍ଦି କରିଥିଲା । ଏହାପରେ ଆତଙ୍କବାଦୀମାନଙ୍କୁ ଆତ୍ମ ସମର୍ପଣ କରିବାକୁ କୁହାଯାଇଥିଲା । ମାତ୍ର ସେମାନେ ତାହା କରିବା ପରିବର୍ତ୍ତେ ଯାବାନ ମାନଙ୍କ ଉପରକୁ ଗୁଳି ଚଳାଇଥିଲେ । ଉଭୟଙ୍କ ମଧ୍ୟରେ ଗୁଳି ବିନିମୟ ଭିତରେ ୩ ଜଣ ଆତଙ୍କବାଦୀ ମୃତ୍ୟୁବରଣ କରିଛନ୍ତି । ସୂଚନା ମୁତାବକ ଏବେ ବି ଯବାନମାନେ ସେଠାରେ ସର୍ଚ୍ଚ ଅପରେଶନ ଜାରି ରଖିଛନ୍ତି ।