ରାଜଗାଙ୍ଗପୁରରୁ ଆସିଲା ଦୁଃଖଦ ଖବର । ସ୍କୁଟି ଉପରେ ଚଢିଗଲା ଯାତ୍ରୀବାହୀ ବସ୍, ୩ ଫୁଟବଲ ଖେଳାଳି ମୃତ ।
କନକ ବ୍ୟୁରୋ : ସ୍କୁଟି ଉପରକୁ ମାଡି ଗଲା ବସ୍ । ଘଟଣାସ୍ଥଳରେ ଆଖି ବୁଜିଲେ ୩ ଜଣ ଫୁଟବଲ ଖେଳାଳି । ଗତକାଲି ଏଭଳି ଏକ ଦୁଃଖଦ ଘଟଣା ଘଟିଛି ସୁନ୍ଦରଗଡ ଜିଲ୍ଲାର ରାଜଗାଙ୍ଗପୁର ଥାନା ଅନ୍ତର୍ଗତ ଲକ୍ଷ୍ମୀପୋଷ ନିକଟରେ । ମୃତ ଫୁଟବଲ ଖେଳାଳି ୩ ଜଣ ହେଉଛନ୍ତି, ହେମନ୍ତ ବାଡା, ସନ୍ଦୀପ ପ୍ରଧାନ ଓ କ୍ରିଷ୍ଣା ପ୍ରଧାନ ।
Kanak News is now on WhatsApp
Join and get latest news updates delivered to you via WhatsApp
ଏହି ତିନି ଜଣ ଫୁଟବଲ୍ ଖେଳାଳୀ ଏକ ଫୁଟବଲ ପ୍ରତିଯୋଗିତାରେ ଅଂଶ ଗ୍ରହଣ କରି ଖେଳ ସାରି ଗୋଟିଏ ହୋଣ୍ଡା ଆକ୍ଟିଭା ସ୍କୁଟିରେ ଫେରୁଥିଲେ । ସେହି ଫେରିବା ବାଟରେ ହିଁ ସେମାନଙ୍କ ସ୍କୁଟିକୁ ମୁହାଁମୁହିଁ ଧକ୍କା ଦେଇଥିଲା ପବନପୁତ୍ର ନାମକ ବସ୍ । ଧକ୍କା ଏତେ ଯୋରରେ ହୋଇଥିଲା ଯେ, ବସଟି ସ୍କୁଟି ଉପରେ ଚଢିଯାଇଥିଲା । ଫଳରେ ଘଟଣାସ୍ଥଳରେ ସ୍କୁଟିରେ ଥିବା ୩ ଜଣ ଫୁଟବଲ ଖେଳାଳୀଙ୍କର ମୃତ୍ୟୁ ହୋଇଥିଲା ।