ବଲାଙ୍ଗୀରରେ କିଏ ବିଶ୍ୱାସଭାଜନ ହେବ ଜନତାଙ୍କର? କାହା ମୁଣ୍ଡରେ ଉଡିବ ବିଜୟର ବାନା, ତାହାକୁ ନେଇ ଚାଲିଛି ଚର୍ଚ୍ଚା
ବଲାଙ୍ଗୀରରେ କିଏ ବିଶ୍ୱାସଭାଜନ ହେବ ଜନତାଙ୍କର?
କନକ ବ୍ୟୁରୋ : ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ୫ ଲୋକସଭା ଆସନରେ ହେଉଥିବା ଭୋଟ ଗ୍ରହଣ ମଧ୍ୟରେ ବଲାଙ୍ଗୀର ଲୋକସଭା ମଧ୍ୟ ଅନ୍ତର୍ଭୁକ୍ତ ରହିଛି । ଏହି ନିର୍ବାଚନମଣ୍ଡଳୀ ସମ୍ପର୍କରେ ରାଜ୍ୟରେ ଅନେକ ଦିନ ହେଲାଣି ଚର୍ଚ୍ଚା ଜୋର ଧରିଥିଲା ଅର୍ଥାତ୍ ଏହି ଆସନରେ ଦିଅର-ଭାଉଜ ଲଢେଇ ହେଉଥିବା କାରଣରୁ ରାଜନୈତ ଆଲୋଚନ ପାଇଁ ଖବରର ଉତ୍ସ ପାଲଟିଥିଲା । ତେବେ ଏହି ଆସନରେ ଶାସକ ଦଳ ବିଜେଡି ପକ୍ଷରୁ କଳିକେଶ ନାରାୟଣ ସିଂହଦେଓ ପ୍ରାର୍ଥୀ ହୋଇଥିବା ବେଳେ ବିଜେପି ସଙ୍ଗୀତା ସିଂହଦେଓ ଓ କଂଗ୍ରେସ ପକ୍ଷରୁ ବିରୋଧୀଦଳର ନେତା ନରସିଂହମିଶ୍ରଙ୍କ ପୁଅ ସମରେନ୍ଦ୍ର ମିଶ୍ରଙ୍କୁ ଦଳ ପ୍ରାର୍ଥୀ କରିଛି ।ଏହି ଆସନରେ ପରିବାର ମଧ୍ୟରେ ବଳ କସାକସି ହେଉଥିବା କାରଣରୁ ସାରା ରାଜ୍ୟର ଏହା ଉପରେ ରହିଛି ନଜର । ଆଜିର ମତଦାତା ନିଜର ପ୍ରିୟ ନେତାଙ୍କ ସପକ୍ଷରେ ମତଦାନ ଦେବେ । ବଲଙ୍ଗୀରର କିଏ ହେବ ନେତା ତାହା ଆସନ୍ତା ମାସ ୨୩ରେ ଜଣାପଡିବ । ହେଲେ ଜାଣିରଖନ୍ତୁ ବଲାଙ୍ଗୀର ଲୋକସଭା ଆସନ ସମ୍ପର୍କରେ କିଛି ଗୁରୁତ୍ୱପୂର୍ଣ୍ଣ ତଥ୍ୟ…
ବଲାଙ୍ଗିର ଲୋକସଭା ନିର୍ବାଚନମଣ୍ଡଳୀ
Kanak News is now on WhatsApp
Join and get latest news updates delivered to you via WhatsApp
୨୦୧୪ର ଲଢେଇ
– ମୈଦାନରେ ଥିଲେ ମୋଟ ୮ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୧୫ ଲକ୍ଷ ୬୨ ହଜାର ୫୮୭
– ମତ ଦେଇଥିଲେ – ୧୧ ଲକ୍ଷ ୭୦ ହଜାର ୯୬୧
– ଭୋଟଦାନ ହାର – ୭୪.୯୨%
୨୦୧୪ର ଫଳାଫଳ
ପ୍ରାର୍ଥୀ ଦଳ ଭୋଟ ପ୍ରତିଶତ ଫଳାଫଳ
କଳିକେଶ ନାରାୟଣ ସିଂଦେଓ ବିଜେଡି ୪,୫୩,୫୧୯ ବିଜୟୀ
ଶରତ ପଟ୍ଟନାୟକ କଂଗ୍ରେସ ୨,୭୭,୬୧୬ ପରାସ୍ତ
ସଂଗୀତା କୁମାରୀ ସିଂଦେଓ ବିଜେପି ୩,୪୯,୨୨୦ ପରାସ୍ତ
କିଏ ମାରିଥିଲା ବାଜି?
– ବିଜେଡିର କଳିକେଶ ନାରାୟଣ ସିଂହଦେଓ ବିଜୟୀ ହୋଇଥିଲେ
– ୪ ଲକ୍ଷ ୫୩ ହଜାର ୫୧୯ ଖଣ୍ଡ ଭୋଟ ପାଇଥିଲେ ବିଜେଡି ପ୍ରାର୍ଥୀ
– ବିଜେପି ପ୍ରାର୍ଥୀ ସଂଗୀତା କୁମାରୀ ସିଂହଦେଓଙ୍କୁ ପରାସ୍ତ କରିଥିଲେ
– ୧ ଲକ୍ଷ ୪ ହଜାର ୨୯୯ ଭୋଟ୍ ବ୍ୟବଧାନରେ ବିଜୟୀ ହୋଇଥିଲା ବିଜେଡି
– ୫ ପ୍ରାର୍ଥୀ ଅମାନତ୍ ହରାଇଥିଲେ
୨୦୧୯ର ଲଢେଇ
ବିଜେଡି: କଳିକେଶ ନାରାୟଣ ସିଂହଦେଓ
କଂଗ୍ରେସ: ସମରେନ୍ଦ୍ର ମିଶ୍ର
ବିଜେପି: ସଙ୍ଗୀତା କୁମାରୀ ସିଂହଦେଓ
୨୦୧୯–ବିଜେଡି: କଳିକେଶ ନାରାୟଣ ସିଂହଦେଓ
– ଲଗାତର ୨ଥର ସାଂସଦ
– ପୂର୍ବତନ ବିଧାୟକ
– ପୂର୍ବତନ ରାଜ୍ୟସଭା ସାଂସଦ ଓ ବିଧାୟକ ଅନଙ୍ଗ ଉଦୟ ସିଂଦେଓଙ୍କ ପୁଅ
– ବଲାଙ୍ଗୀର ରାଜ ପରିବାର ସଦସ୍ୟ
୨୦୧୯– କଂଗ୍ରେସ — ସମରେନ୍ଦ୍ର ମିଶ୍ର
– ବରିଷ୍ଠ କଂଗ୍ରେସ ନେତା ନରସିଂହ ମିଶ୍ରଙ୍କ ପୁଅ
– ବ୍ୟବସାୟରୁ ରାଜନୀତି
– ପ୍ରଥମଥର ନିର୍ବାଚନ ଲଢୁଛନ୍ତି
– ନିର୍ମଳ ଭାବମୂର୍ତି ଏବଂ ସାଂଗଠନିକ ଦକ୍ଷତା ରହିଛି
୨୦୧୯–ବିଜେପି: ସଙ୍ଗୀତା କୁମାରୀ ସିଂହଦେଓ
– ୩ଥର ସାଂସଦ
– ପାଟଣା ମହାରାଣୀ
– ବିଜେପି ଜାତୀୟ କାର୍ଯ୍ୟକାରିଣୀ ସଦସ୍ୟ
– ୫ଥର ବିଧାୟକ ତଥା ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂଦେଓଙ୍କ ପତ୍ନୀ
ମୈଦାନରେ ମହିଳା ପ୍ରାର୍ଥୀ
– ସଙ୍ଗୀତା କୁମାରୀ ସିଂହଦେଓ ( ବିଜେପି )
ନିର୍ବାଚନ ମଣ୍ଡଳୀ ତଥ୍ୟ
– ବୀରମହାରାଜପୁର, ସୋନପୁର, ଲୋଇସିଂହା, ପାଟଣାଗଡ, ବଲାଙ୍ଗୀର, ଟିଟିଲାଗଡ ଏବଂ କଂଟାବାଞ୍ଜିକୁ ନେଇ ବଲାଙ୍ଗୀର ଲୋକସଭା ନିର୍ବାଚନମଣ୍ଡଳୀ
– ବୀରମହାରାଜପୁର, କଂଟାବାଞ୍ଜି, ଲୋଇସିଂହା, ସୋନପୁର ଓ ଟିଟିଲାଗଡ ବିଜେଡି ଦଖଲରେ ରହିଛି ।
– ବଲାଙ୍ଗୀର କଂଗ୍ରେସ ଦଖଲରେ ରହିଛି ।
– ପାଟଣାଗଡ ବିଜେପି ଦଖଲରେ ରହିଛି ।
ମୁହାଁମୁହିଁ ପ୍ରାର୍ଥୀ
– ବିଜେଡି ପ୍ରାର୍ଥୀ କଳିକେଶ ନାରାୟଣ ସିଂହଦେଓ ୨୦୦୯ ଏବଂ ୨୦୧୪ରେ ଲଗାତର ସାଂସଦ
– ୩ଥରର ସାଂସଦ ତଥା ପାଟଣା ମହାରାଣୀ ସଙ୍ଗୀତା କୁମାରୀ ସିଂହଦେଓ ଙ୍କୁ ପୁଣି ପ୍ରାର୍ଥୀ କରିଛି ବିଜେପି
– କଂଗ୍ରେସ ପ୍ରାର୍ଥୀ ସମରେନ୍ଦ୍ର ମିଶ୍ର ଜଣେ ଯୁବ ସଂଗଠକ ଏବଂ ଦଳର ବରିଷ୍ଠ ନେତା ନରସିଂହ ମିଶ୍ରଙ୍କ ପୁଅ
ବଲାଙ୍ଗୀର ଲୋକସଭା ଆସନ
– ୧୯୭୧ରେ ଗଠନ ହୋଇଛି ବଲାଙ୍ଗୀର ଲୋକସଭା ନିର୍ବାଚନମଣ୍ଡଳୀ
– ବିଜେପିରୁ ସଙ୍ଗୀତା କୁମାରୀ ସିଂଦେଓ ୩ଥର ସାଂସଦ
– କଂଗ୍ରେସରୁ ଶରତ ପଟ୍ଟନାୟକ ୨ଥର ସାଂସଦ
– ବିଜେଡିରୁ କଳିକେଶ ନାରାୟଣ ସିଂଦେଓ ୨ଥର ସାଂସଦ
– ୨୦୧୯ରେ ଦିଅର-ଭାଉଜ ଲଢେଇ ହେଉଛି