କନକ ବ୍ୟୁରୋ : ବିଧାନସଭା ଶୀତ ଅଧିବେଶନର ଦ୍ୱିତୀୟ ଦିନରେ ବି ଚାଲିପାରିଲାନି ଗୃହ । ମମିତା ମେହେର ପ୍ରସଙ୍ଗରେ ବିରୋଧୀଙ୍କ ହଙ୍ଗାମା ଯୋଗୁଁ ମାତ୍ର ଦୁଇ ମିନିଟରେ ଗୃହକୁ ମୂଲତବୀ କଲେ ବାଚସ୍ପତି । ଅପରାହ୍ନ ୪ଟା ଯାଏ ମୁଲତବୀ ରହିବ ଗୃହ । ଗୃହ କାର୍ଯ୍ୟ ଆରମ୍ଭ ହେବା ପୂର୍ବରୁ ବାଚସ୍ପତି ମୁଲତବୀ କରିବାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ । ବାଚସ୍ପତି ଜାଣିଶୁଣି ପାତରଅନ୍ତର କରି ଗୃହକୁ ମୁଲତବୀ କରିଥିବା ଅଭିଯୋଗ କରିଛନ୍ତି ଓ ଗୃହ ବାହାରେ ପ୍ରତିବାଦ କରିଛନ୍ତି ବିଜେପି ବିଧାୟକ । ଗୃହକୁ ଏତେ ସମୟ ପାଇଁ କାହିଁକି ମୁଲତବୀ କରାଗଲା ବୋଲି ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯାହା ଅନୁମାନ କରାଯାଉଥିଲା, ତାହା ହିଁ ହେଲା। ବିଧାନସଭାର ଶୀତ ଅଧିବେଶନର ଦ୍ବିତୀୟ ଦିନରେ ବି ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କୁ ନେଇ ଝଡ଼ ବହିଲା। ଗୃହ ବାହାରେ ଓ ଭିତରେ ଏହାର ପ୍ରଭାବ ଦେଖିବାକୁ ମିଳିଲା । ପ୍ରଥମ ଦିନ ଗୃହର କାର୍ଯ୍ୟ କମ୍ ସମୟ ପାଇଁ ଥିବାରୁ ଏହି ଝଡ଼ ବାଧା ସୃଷ୍ଟି କରିପାରି ନ ଥିଲା । କିନ୍ତୁ ଅଧିବେଶନରେ ଆଗାମୀ ଦିନରେ ଏହା ଯେ ମହାବାତ୍ୟାର ରୂପ ନେବ, ତାହାର ସ୍ପଷ୍ଟ ସଙ୍କେତ ବୁଧବାର ମିଳିଥିଲା । ଏଣେ ଆଜି ପୁଣି ଗୃହ ବାହାରେ କେନ୍ଦ୍ର ଅବହେଳାର ନାରା ଦେଇଛି ବିଜେଡି । ବିଜେଡି ବିଧାୟକମାନେ ରନ୍ଧନ ଗ୍ୟାସ ଦର ବୃଦ୍ଧି ନେଇ କେନ୍ଦ୍ର ସରକାର ଦାୟୀ ଗାନ୍ଧୀ ମୂର୍ତ୍ତି ତଳେ ପ୍ରତିବାଦ କରୁଛନ୍ତି । ସେପଟେ ବିଜେଡି କହିଛି ସ୍ୱାଭାବିକ ହେଉ ଗୃହ। ବିରୋଧୀ ବିଧାନସଭାକୁ ଚଳାଇ ଦେଉନାହାନ୍ତି । ଆମେ ଚାହୁଁଛୁ ସ୍ୱାଭାବିକ ହେଉ ଗୃହ ।