ପୁଣି ସଂକ୍ରମଣରେ ଖୋର୍ଦ୍ଧା ଆଗରେ । ଗତ ୨୪ ଘଣ୍ଟାରେ ରାଜ୍ୟରେ ୨୯୧୭ ନୂଆ ସଂକ୍ରମିତ ଚିହ୍ନଟ, ଭୂତାଣୁ ନେଇଛି ୪୫ ଜୀବନ ।
କନକ ବ୍ୟୁରୋ : ରାଜ୍ୟରେ କମୁନି ସଂକ୍ରମଣ, କମୁନି ମୃତ୍ୟୁ ସଂଖ୍ୟା । ଗତ ୨୪ ଘଣ୍ଟାରେ ରାଜ୍ୟରେ ୨୯୧୭ ପଜିଟିଭ୍ ଚିହ୍ନଟ ହୋଇଛି । ସଙ୍ଗରୋଧରୁ ୧୬୭୭ ଓ ସ୍ଥାନୀୟ ଅଂଚଳରୁ ୧୨୪୦ ଚିହ୍ନଟ ହୋଇଛନ୍ତି । ଖୋର୍ଧାରୁ ସବୁଠାରୁ ଅଧିକ ୫୪୯ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କଟକରୁ ୪୨୨, ବାଲେଶ୍ୱରରୁ ୨୩୭, ଭଦ୍ରକରୁ ୧୬୩, ଜଗତସିଂହପୁରରୁ ୧୧୯, ଯାଜପୁରରୁ ୨୧୮ ପଜିଟିଭ୍ ଚିହ୍ନଟ ହୋଇଛନ୍ତି । ଅନୁଗୁଳରୁ ୮୬, ଢେଙ୍କାନାଳରୁ ୭୭, କେନ୍ଦ୍ରାପଡାରୁ ୭୯, କେନ୍ଦୁଝରରୁ ୭୫, କୋରାପୁଟରୁ ୫୫, ମାଲକାନଗିରିରୁ ୫୯ ପଜିଟିଭ୍ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଚିନ୍ତାର କଥା ହେଉଛି ଗତ ୨୪ ଘଣ୍ଟାରେ ଆଉ ୪୫ ଜଣଙ୍କ ଜୀବନ ନେଇଛି କରୋନା ଭୂତାଣୁ । ଜୁନ ପହିଲାରୁ ଦ୍ରୁତ ଗତିରେ କମୁଥିବା ସଂକ୍ରମଣ ହାର ଏବେ ଧିମେଇ ଯାଇଛି । ବିଶେଷକରି ଉପକୂଳ ଓଡିଶାର ୧୦ ଜିଲ୍ଲାରେ ସ୍ଥିତି ନିୟନ୍ତ୍ରଣକୁ ଆସୁନାହିଁ । ତେବେ ଜୁଲାଇ ଦ୍ୱିତୀୟ ସପ୍ତାହ ସୁଦ୍ଧା ଦ୍ୱିତୀୟ ଲହର ନିୟନ୍ତ୍ରଣକୁ ଆସିବ ବୋଲି ଆଶା ପ୍ରକାଶ କରିଛନ୍ତି ବିଶେଷଜ୍ଞ ଡାକ୍ତର । ଅନ୍ୟପଟେ କାହିଁକି କରୋନା ସଂକ୍ରମଣ କମୁନାହିଁ, ତାହାର ଅନୁଧ୍ୟାନ କରିବା ପାଇଁ କେନ୍ଦ୍ରରୁ ଏକ ବିଶେଷଜ୍ଞ ଦଳ ଓଡିଶା ଆସୁଛନ୍ତି ।