ବାହାନଗା ଟ୍ରେନ୍ ଦୁର୍ଘଟଣା: ଏଯାଏଁ ହୋଇନି ୨୮ ମୃତଦେହର ଚିହ୍ନଟ । ଶବ ଚିହ୍ନଟ ପାଇଁ କେହି ବି ଆସି ନାହାଁନ୍ତି । ରାଜ୍ୟ, କେନ୍ଦ୍ର ଓ ରେଳମନ୍ତ୍ରାଳୟ ନିର୍ଦ୍ଦେଶ ପରେ ହେବ ଶବସତ୍କାର

କନକ ବ୍ୟୁରୋ: ବାହାନଗା ରେଳ ଦୁର୍ଘଟଣାକୁ ୩ ମାସରୁ ଅଧିକ ସମୟ ହୋଇସାରିଛି । ତଥାପି ଏମ୍ସରେ ପଡି ରହିଛି ଅନେକ ଶବ । ଆହୁରି ୨୮ଟି ମୃତଦେହର ଚିହ୍ନଟ ହୋଇପାରି ନାହିଁ । ଏହାସହ ଗତ ୧୦ ଦିନ ହେବ ମୃତଦେହ ଚିହ୍ନଟ ପାଇଁ କେହି ବି ଆସି ନଥିବା କହିଛନ୍ତି ଏମ୍ସ ସୁପରିଟେଣ୍ଡେଣ୍ଟ ଡକ୍ଟର ଦୀଲିପ କୁମାର ପରିଡା । ଏଭଳି ସ୍ଥିତିରେ ରାଜ୍ୟ ସରକାର, କେନ୍ଦ୍ର ସରକାର ଓ ରେଳମନ୍ତ୍ରଣାଳୟର ନିଷ୍ପତ୍ତି ପରେ ଏହି ଅଜ୍ଞାତ ଶବ ଗୁଡିକୁ ସଂସ୍କାର କରାଯିବ ବୋଲି କହିଛନ୍ତି ଏମ୍ସ କର୍ତ୍ତୃପକ୍ଷ ।