କନକ ବ୍ୟୁରୋ: ୨୦୨୪ ଆଇପିଏଲର ୨୭ତମ ମ୍ୟାଚରେ ରାଜସ୍ଥାନ ରୟାଲ୍ସର ରୋମାଞ୍ଚକର ବିଜୟ । ଗୋଟିଏ ବଲ ବାକି ଥାଇ ୩ଟି ୱିକେଟରେ ପଞ୍ଜାବ କିଙ୍ଗସକୁ ହରାଇଛି ରାଜସ୍ଥାନ ରୟାଲ୍ସ । ୬ଟି ମ୍ୟାଚରୁ ୫ଟିରେ ବିଜୟ ସହ ପଏଣ୍ଟ ଟେବୁଲରେ ନିଜ ସ୍ଥିତିକୁ ଆହୁରି ଦୃଢ କରିଛି ଦଳ । ଶନିବାର ଖେଳାଯାଇଥିବା ମ୍ୟାଚରେ ନିୟମିତ ଅଧିନାୟକ ଶିଖର ଧାୱନଙ୍କ ଅନୁପସ୍ଥିତିରେ ପଞ୍ଜାବ ପଡିଆକୁ ଓହ୍ଲାଇଥିବା ବେଳେ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ନିର୍ଦ୍ଧାରିତ ୨୦ ଓଭରରେ ଦଳ ରାଜସ୍ଥାନକୁ ମାତ୍ର ୧୪୮ ରନର ଟାର୍ଗେଟ ଦେଇଥିଲା । ଏହି ମ୍ୟାଚରେ ପାୱାର ପ୍ଲେରେ ବିନା କ୍ଷତିରେ ୪୩ ରନ ସଂଗ୍ରହ କରିବା ପରେ ରାଜସ୍ଥାନ ସହଜ ବିଜୟ ପାଇବା ନେଇ ଆଶା କରାଯାଉଥିବା ବେଳେ ପଞ୍ଜାବର ବୋଲର ମାନେ ନିୟମିତ ବ୍ୟବଧାନରେ ୱିକେଟ ନେଇଥିଲେ । ତେବେ ଅନ୍ୟ ଖେଳାଳି ମାନେ ସଂଘର୍ଷ କରୁଥିବା ବେଳେ ସିମରନ ହେଟମେୟାର ଦ୍ରୁତ ଭାବେ ମାତ୍ର ୧୦ ବଲରେ ୨୭ ରନ ସଂଗ୍ରହ କରି ଦଳକୁ ସହଜ ବିଜୟ ପ୍ରଦାନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଶେଷ ଓଭରରେ ବିଜୟ ପାଇଁ ୧୦ ରନର ଆବଶ୍ୟକତା ରହିଥିବା ବେଳେ ଅର୍ଶଦୀପ ସିଂହଙ୍କ ପ୍ରଥମ ୨ଟି ବଲରେ କୌଣସି ରନ୍ କରିପାରିନଥିଲେ ହେଟମେୟାର । ତେବେ ତୃତୀୟ, ଚତୁର୍ଥ ଏବଂ ପଞ୍ଚମ ବଲରେ ଯଥାକ୍ରମରେ ୬, ୨, ୬ ରନ୍ ସଂଗ୍ରହ କରି ଦଳକୁ ବିଜୟ ଭେଟି ଦେଇଥିଲେ ଏହି ଯୁବ ବ୍ୟାଟର ।