ଏମିତି ଚାଲିଛି ରାଜ୍ୟର ହାଇସ୍କୁଲ । ୨୫୮୫ଟି ହାଇସ୍କୁଲରେ ନାହାନ୍ତି ପ୍ରଧାନଶିକ୍ଷକ, ଖାଲି ପଡ଼ିଥିବା ପଦ ପଛର କାରଣ କହିଲେ ମନ୍ତ୍ରୀ ।
କନକ ବ୍ୟୁରୋ : ଏବେ ରାଜ୍ୟରେ ହାଇସ୍କୁଲ ପରୀକ୍ଷା ଚାଲିଥିବା ବେଳେ ବିଧାନସଭାରେ ହାଇସ୍କୁଲ ଶିକ୍ଷା ବ୍ୟବସ୍ଥାକୁ ନେଇ ବଡ ଖବର ସାମ୍ନାକୁ ଆସିଛି । ଏବେ ରାଜ୍ୟରେ ଥିବା ହଜାର ହଜାର ହାଇସ୍କୁଲ କିଭଳି ବିନା ପ୍ରଧାନଶିକ୍ଷକରେ ଚାଲିଛି ତାହା ଜାଣିଲେ ଆପଣ ଆଶ୍ଚର୍ଯ୍ୟ ହେବେ । ତେବେ ଏହି ପଦବୀ ଗୁଡିକ କାହିଁକି ଖାଲି ପଡିଛି ଓ କେବେ ସୁଦ୍ଧା ପ୍ରଧାନଶିକ୍ଷକ ପଦ ପୂରଣ ହେବ ସେନେଇ ଜାଣିବାକୁ ଚାହିଁଥିଲେ କଂଗ୍ରେସ ବିଧାୟକ ସୁରେଶ କୁମାର ରାଉତରାୟ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ବିଧାୟକଙ୍କ ପ୍ରଶ୍ନର ଲିଖିତ ଉତ୍ତରରେ ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି, ଏବେ ରାଜ୍ୟରେ ଥିବା ହାଇସ୍କୁଲ ଗୁଡିକ ମଧ୍ୟରୁ ୨୫୮୫ ହାଇସ୍କୁଲରେ ପ୍ରଧାନ ଶିକ୍ଷକ ପଦ ଖାଲି ପଡିଛି । ତେବେ ଏହା ପଛର କାରଣରେ ମନ୍ତ୍ରୀ କହିଛନ୍ତି, ଉଚ୍ଚ ନ୍ୟାୟାଳୟଙ୍କ ସ୍ଥଗିତାଦେଶ ଯୋଗୁଁ ଖାଲି ଥିବା SES ପ୍ରଧାନ ଶିକ୍ଷକ ପଦବୀ ଗୁଡିକୁ ପଦୋନ୍ନତି ମାଧ୍ୟମରେ ପୂରଣ କରାଯାଇପାରୁ ନାହିଁ । ତେବେ ଖୁବଶୀଘ୍ର ପ୍ରଧାନ ଶିକ୍ଷକ ପଦବୀ ପୂରଣ କରାଯିବା ପାଇଁ ଆବଶ୍ୟକୀୟ ପଦକ୍ଷେପ ନିଆଯାଉଛି ବୋଲି କହିଛନ୍ତି ମନ୍ତ୍ରୀ ।