କନକ ବ୍ୟୁରୋ: ଚଳିତ ପଞ୍ଚାୟତ ନିର୍ବାଚନ ତାରିଖ ଘୋଷଣାଠୁ ନାମାଙ୍କନ ଦାଖଲ ପର୍ଯ୍ୟନ୍ତ ଅନେକ ପ୍ରାର୍ଥୀଙ୍କ ବିଷୟରେ ଆପଣ ପଢ଼ିଥିବେ ନିଶ୍ଚୟ । ହେଲେ ରାଜ୍ୟର ଏମିତି କିଛି ପଞ୍ଚାୟତ ଆସନ ଅଛି ଯେଉଁଠି ଦୁଇ ଦଶନ୍ଧିରୁ ଅଧିକ ସମୟ ଧରି ଗୋଟିଏ ପରିବାର ହିଁ କ୍ଷମତା ସମ୍ଭାଳି ଆସୁଛି । ଦୀର୍ଘ ୨୫ ବର୍ଷ ହେଲା ଗୋଟିଏ ପରିବାର ହାତରେ ରହିଥିବା ପଂଚାୟତକୁ ନେଇ ଏବେ ଚାରିଆଡେ ଚର୍ଚ୍ଚା ପାଲଟିଛି । ଲୋକଙ୍କ ଭଲ ପାଇବା ଯୋଗୁଁ ଏଥର ମଧ୍ୟ ତ୍ରିସ୍ତରୀୟ ପଂଚାୟତ ନିର୍ବାଚନରେ ଅପ୍ରତିଦ୍ୱନ୍ଦୀ ଭାବେ ସେହି ପରିବାର ବୋହୂ ସରପଞ୍ଚ ଏବଂ ପୁଅ ସମିତିସଭ୍ୟ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରତିଥର ଭଳି ଚଳିତ ପଞ୍ଚାୟତ ନିର୍ବାଚନରେ ମଧ୍ୟ ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ କଞ୍ଚଣା ପଞ୍ଚାୟତ ସାରା ଜିଲ୍ଲାରେ ଚର୍ଚ୍ଚାରେ ରହିଛି । କାରଣ ୧୯୯୭ ମସିହାରୁ ଏହି ପଞ୍ଚାୟତ ଗୋଟାଏ ପରିବାର ହାତରେ ରହିଛି । ୧୯୯୭ ମସିହାରେ ଯୁଦ୍ଧିଷ୍ଟିର ଘୋଷ ସରପଞ୍ଚ ଭାବେ ନିର୍ବାଚିତ ହୋଇଥିଲେ ତାପରଠୁ ଏହି ପଞ୍ଚାୟତ ଯୁଦ୍ଧିଷ୍ଟିରଙ୍କ ପରିବାର ଏବଂ ସେ ଯାହାକୁ ସରପଂଚ ଭାବେ ବାଛନ୍ତି ସେ ହିଁ ସରପଞ୍ଚ ସିଟରେ ବସିପାରିଛି । ବିଜେଡିରୁ ଲଢ଼ି ଆସୁଥିବା ଯୁଦ୍ଧିଷ୍ଟିରଙ୍କ ପରେ ୨୦୦୭ ମସିହାରେ ତାଙ୍କ ପୁଅ ଜୟସେନ ଘୋଷ ସରପଞ୍ଚ ଭାବେ ନିର୍ବାଚିତ ହୋଇଥିବା ବେଳେ ସେ ମଧ୍ୟ ୧୦ ବର୍ଷ ପଂଚାୟତକୁ ନିଜ ହାତ ମୁଠାରେ ରଖିଥିଲେ । ଏହା ପରେ ୨୦୧୭ ମସିହାରେ ଯୁଦ୍ଧିଷ୍ଟିରଙ୍କ ସାନପୁଅ ଚିତ୍ରସେନ ଘୋଷ ରାଜନୀତି ମଇଦାନକୁ ଓହ୍ଲାଇ ସରପଂଚ ଭାବେ ନିର୍ବାଚିତ ହେବା ସହ ଚିତ୍ରସେନଙ୍କ ବଡ ଭାଉଜ ମିଲି ଘୋଷ ସମିତିସଭ୍ୟ ଭାବେ ନିର୍ବାଚିତ ହୋଇଥିଲେ । କିନ୍ତୁ ୨୦୧୯ ସାଧାରଣ ନିର୍ବାଚନ ସମୟରେ ବିଜେଡି ଛାଡ଼ି ବିଜେପିରେ ଯୋଗଦେଇଥିଲା ଏହି ପରିବାର । ହେଲେ ଏଥର ନିର୍ଦ୍ଦଳୀୟ ବା ସ୍ୱାଧୀନ ଭାବେ ମୈଦନାକୁ ଓହ୍ଲାଇଛନ୍ତି ।
ତେବେ ଏଥର ତ୍ରସ୍ତରୀୟ ନିର୍ବାଚନରେ ମଧ୍ୟ ଚିତ୍ରସେନ ରାଜନୀତି ମଇଦାନକୁ ଓହ୍ଲାଇ ଥିବା ବେଳେ ସେ ନିଜେ ସମିତିସଭ୍ୟ ଓ ତାଙ୍କ ସ୍ତ୍ରୀ ରାଜଶ୍ରୀ ଘୋଷ ସରପଂଚ ପ୍ରାର୍ଥୀ ଭାବେ ନାମାଙ୍କନ ଭରିଛନ୍ତି । ତେବେ ଏହି ତ୍ରିସ୍ତରୀୟ ପଂଚାୟତ ନିର୍ବାଚନ ପଇଁ ନାମଙ୍କନ ପତ୍ର ଦାଖଲ ୨୧ ତାରିଖ ଠାରୁ ସରିଥିବା ବେଳେ ଆଉ କେହି ଚିତ୍ରସେନ ଓ ତାଙ୍କ ସ୍ତ୍ରୀ ଙ୍କ ବିପକ୍ଷରେ ନାମାଙ୍କ ଦାଖଲ କରିନଥିବା ଜଣାପଡିଛି । ଯାହାକି ସ୍ୱାମୀ ସ୍ତ୍ର ଦୁହେଁ ଅପ୍ରତିଦ୍ୱନ୍ଦୀ ଭାବ ନିର୍ବାଚିତ ହେବା ଏକ ପ୍ରକାର ନିଶ୍ଚିତ ହୋଇଛି । ଏବେ ଏହି ପଞ୍ଚାୟତ ରାଜନୀତିକୁ ନେଇ ଗଞ୍ଜାମ ଜିଲ୍ଲାରେ ମୁଖ୍ୟ ଖବର ପାଲଟିଛି । ଚିତ୍ରସେନ କୁହନ୍ତି ପଂଚାୟତ ବାସୀଙ୍କ ଭଲ ପାଇବା ତାଙ୍କ ସହ ରହିଛି ଯାହାଫଳରେ ପ୍ରତ୍ୟକ ପଂଚାୟତ ନିର୍ବାଚନରେ ତାଙ୍କ ପରିବାର ଉପରେ ଲୋକ ଭରସା କରନ୍ତି ।
ଦୀର୍ଘ ୨୫ ବର୍ଷ ହେଲା ଏହି ପଂଚାୟତ ଗୋଟିଏ ପରିବାର ହାତରେ ରହିଥିବା ବେଳେ ପଂଚାୟତରେ ବହୁ ବିକାଶ ହେବା ସହ ଏହି ପରିବାର ସମସ୍ତଙ୍କର ସବୁ ସମୟରେ ସୁଖ ଦୁଃଖର ସାଥି ହୋଇଥିବା ଗାଁ ଲୋକ କୁହନ୍ତି । ସପଟେ ଗାଁରେ ରାସ୍ତା, ପିଇବା ପାଣି, ମନ୍ଦିର , ଶିକ୍ଷାର କ୍ଷେତ୍ରରେ ଉନ୍ନତି ଭଳି ସ୍ୱଛ ପଂଚାୟତ ଗଠନ କରିବାରେ ସକ୍ଷମ ହୋଇଛି ଏହି ପରିବାର । କାରଣ ପଂଚାୟତ ଅଫିସ ଆଗରେ ସରପଂଚ ଫଳକ ମାରିଛନ୍ତି ଏଠି ଯେ, ଲାଂଚ ଦେବା ଓ ଲାଂଚ ନେବା ଅପରାଧ । ଏଠି ବିନା ପିସିରେ ସବୁ କାମ ହୋଇଯାଏ ବୋଲି ଭୋଟର କୁହନ୍ତି । ଯେଉଁଥି ପାଇଁ ଏହି ପରିବାର ଉପରେ ପଂଚାୟତବାସୀ ବିଶ୍ୱାସ ଓ ଭରସା ଭଲ ପାଇବା ଦେଇ ପଂଚାୟତକୁ ତାଙ୍କ ହାତରେ ନ୍ୟସ୍ତ କରିଛନ୍ତି ।