ଭାରତ ସରକାରଙ୍କ ନୂତନ ରେକର୍ଡ, ମାତ୍ର ୧୮ ଘଂଟାରେ ନିର୍ମାଣ କଲେ ୨୫ କି.ମି ଜାତୀୟ ରାଜପଥ । ଲିମକା ବୁକ୍ ଅଫ୍ ରେକର୍ଡରେ ସ୍ଥାନିତ ହେଲା ନାମ
କନକ ବ୍ୟୁରୋ : ସଡକ ନିର୍ମାଣକୁ ନେଇ ଭାରତ ସରକାର ଆଉ ଏକ ରେକର୍ଡ ନିଜ ନାମରେ ନାମିତ କରିଛନ୍ତି । ରାଷ୍ଟ୍ରୀୟ ରାଜମାର୍ଗ ପ୍ରାଧିକରଣ ମାତ୍ର ୧୮ ଘଂଟାରେ ୨୫.୫୪ କିଲୋମିଟର ସିଙ୍ଗଲ ଲେନ୍ ରାଜପଥ ନିର୍ମାଣ କରି ଲିମକା ବୁକ୍ ଅଫ୍ ରେକର୍ଡରେ ନିଜ ନାମ ସ୍ଥାନିତ କରିଛନ୍ତି । ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ପରିବହନ ଓ ରାଜପଥ ମନ୍ତ୍ରୀ ନିତୀନ୍ ଗଡକରୀ । ଟ୍ୱିଟ୍ ରେ କହିଛନ୍ତି କି ମାତ୍ର ୧୮ ଘଂଟାରେ ରାଜମାର୍ଗର ୨୫.୫୪ କି,ମି ରାସ୍ତା ମାତ୍ର ୧୮ ଘଂଟାରେ ନିର୍ମାଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ठेकेदार कंपनी के 500 कर्मचारियों ने इसके लिए मेहनत की है। मैं उन कर्मचारियों सहित राष्ट्रीय राजमार्ग प्राधिकरण के परियोजना निदेशक, अधिकारी, ठेकेदार कंपनी के प्रतिनिधि और परियोजना अधिकारियों का अभिनंदन करता हूं। pic.twitter.com/KNbDWsoCnq
— Nitin Gadkari (@nitin_gadkari) February 26, 2021
ସୂଚନା ମୁତାବକ ସୋଲାପୁର-ବିଜାପୁର ୪ ଲେନ୍ ବିଶିଷ୍ଟ ଜାତୀୟ ରାଜପଥ କାର୍ଯ୍ୟ ଅନ୍ତର୍ଗତ ୨୫.୫୪ କିଲୋମିଟର ସିଙ୍ଗଲ ଲେନ ନିର୍ମାଣ କାର୍ଯ୍ୟ ମାତ୍ର ୧୮ ଘଂଟାରେ ସମ୍ପୁର୍ଣ୍ଣ ହୋଇଛି । ଏହାକୁ ଲିମକା ବୁକ୍ ଅଫ୍ ରେକର୍ଡରେ ସ୍ଥାନ ମିଳିଥିବା କହିଛନ୍ତି ଶ୍ରୀ ଗଡକରୀ ।
ଏନେଇ ରାଜପଥ କାର୍ଯ୍ୟ ଠିକା ନେଇଥିବା କମ୍ପାନୀ ସହ କର୍ମଚାରୀ ମାନଙ୍କୁ ଧନ୍ୟବାଦ ଜ୍ଞାପନ କରିଛନ୍ତି ମନ୍ତ୍ରୀ । ମନ୍ତ୍ରୀ କହିଛନ୍ତି କି ଠିକାଦାରଙ୍କ ପାଖରେ କାମ କରୁଥିବା ପ୍ରାୟ ୫ ହଜାର କର୍ମଚାରୀ ଏନେଇ କଠିନ ପରିଶ୍ରମ କରିଛନ୍ତି । ‘ମୁଁ ସମସ୍ତ ଠିକା କର୍ମଚାରୀ, ରାଷ୍ଟ୍ରୀୟ ରାଜମାର୍ଗ ପ୍ରାଧିକରଣର ପ୍ରକଳ୍ପ ନିର୍ଦ୍ଦେଶକ, ଅଧିକାରୀ ମାନଙ୍କୁ ଅଭିନନ୍ଦନ ଜଣାଉଛି ’ ବୋଲି ଗଡକାରୀ କହିବା ସହ ବର୍ତ୍ତମାନ ସୋଲାପୁର-ବିଜାପୁର ଜାତୀୟ ରାଜପଥର ୧୧୦ କିଲୋମିଟର କାର୍ଯ୍ୟ ଚାଲଇଛି ଓ ଏହା ୨୦୨୧ ଅକ୍ଟୋବର ମାସ ସୁଦ୍ଧା ଶେଷ ହେବ ବୋଲି ସେ ସୂଚନା ଦେଇଛନ୍ତି ।