ଯୁଦ୍ଧ ସଂକଟ ଭିତରେ ୟୁକ୍ରେନରୁ ଫେରିଲେ ଭାରତୀୟ : ୨୪୨ ଛାତ୍ରଛାତ୍ରୀଙ୍କୁ ନେଇ ଦିଲ୍ଲୀରେ ପହଂଚିଲା ଏୟାର ଇଣ୍ଡିଆର ସ୍ୱତନ୍ତ୍ର ବିମାନ

କନକ ବ୍ୟୁରୋ : ୟୁକ୍ରେନ୍-ଋଷ ସଂକଟ ମଧ୍ୟରେ ୟୁକ୍ରେନରୁ ଭାରତ ଫେରିଲେ ଛାତ୍ରଛାତ୍ରୀ । ୨୪୨ ଭାରତୀୟ ଛାତ୍ରଛାତ୍ରୀଙ୍କୁ ନେଇ ଭାରତ ଫେରିଲା ଏୟାର ଇଣ୍ଡିଆର ସ୍ୱତନ୍ତ୍ର ବିମାନ । ଗତକାଲି ବିଳମ୍ବିତ ରାତିରେ ବୋଇଙ୍ଗ-୭୮୭ ବିମାନରେ ଭାରତୀୟଙ୍କୁ ଦିଲ୍ଲୀ ଅଣାଯାଇଛି । ଗତକାଲି ସକାଳ ୭ଟା ୩୦ରେ ଏହି ବିମାନ ଦିଲ୍ଲୀରୁ ୟୁକ୍ରେନ୍ ଅଭିମୁଖେ ଯାଇଥିଲା ।

ଅପରାହ୍ଣରେ ୟୁକ୍ରେନରେ ପହଂଚିବା ପରେ ଭାରତୀୟ ଛାତ୍ରଛାତ୍ରୀଙ୍କୁ ନେଇ ସ୍ୱେଦେଶ ଫେରିଛି । ସେହିପରି ୨୪ ଓ ୨୬ ତାରିଖରେ ଏୟାର ଇଣ୍ଡିଆର ଆଉ ଦୁଇଟି ବିମାନ ଭାରତୀୟ ଛାତ୍ରଛାତ୍ରୀଙ୍କୁ ୟୁକ୍ରେନରୁ ଆଣି ଭାରତ ଆସିବ । ସେହିପରି ଭାରତ ସରକାରଙ୍କ ପକ୍ଷରୁ ୟୁକ୍ରେନରୁ ୪ଟି ବିମାନ ଦ୍ୱାରା ଭାରତୀୟଙ୍କୁ ଅଣାଯିବ । ୨୫, ୨୭ ଓ ମାର୍ଚ୍ଚ ୬ ତାରିଖରେ ଏହି ବିମାନ ଦ୍ୱାରା ଭାରତୀୟଙ୍କୁ ଦିଲ୍ଲୀ ଅଣାଯିବ ।