ସାବଧାନ ଶତ୍ରୁ ! ‘ରୋମିଓ’ ରାଡାରରୁ ମୁକୁଳିବା ମୁସ୍କିଲ । ଆକାଶରେ ଉଡି ଉଡି ଦେଖିବ, ନୀଳ ସମୁଦ୍ରର ଛାତି ଚିରି ଶତ୍ରୁଙ୍କୁ ନିପାତ କରିବ । ନୌସେନାରେ ସାମିଲ ହେବ ‘ରୋମିଓ’ ହେଲିକପ୍ଟର
କନକ ବ୍ୟୁରୋ: ‘ରୋମିଓ’ ଆସିବ, ଆତଙ୍କ ରଚିବ । ନୀଳ ସମୁଦ୍ରର ଛାତି ଚିରି ଶତ୍ରୁଙ୍କୁ ମାରିବ । ଭାରତୀୟ ନୌସେନାକୁ ଅଧିକ ଶକ୍ତିଶାଳୀ କରିବାକୁ ଆମେରିକାରୁ ଆସୁଛି ‘ରୋମିଓ’ । ଗଭୀର ସମୁଦ୍ରରେ ଶତ୍ରୁଙ୍କୁ ଟାର୍ଗେଟ କରି ନିପାତ କରିବାକୁ ଭାରତ କିଣୁଛି ରୋମିଓ ହେଲିକପ୍ଟର । ଆକାଶରେ ଉଡି ଉଡି ଶତ୍ରୁଙ୍କୁ ନିଶାନା ଲଗାଉଥିବା ଆମେରିକାର ଏହି ଅତ୍ୟାଧୁନିକ ହେଲିକପ୍ଟର ‘ଏମଏଚ- ୬୦ ଆର’କୁ ନୌସେନାରେ ସାମିଲ କରିବ ଭାରତ । ଆଉ ‘ରୋମିଓ’ର ଶକ୍ତି ମିଶିଗଲେ ଆହୁରି ବଳଶାଳୀ ହେବ ଭାରତୀୟ ନୌସେନା । ୪ ବର୍ଷ ଭିତରେ ଭାରତ ଆମେରିକା ଠାରୁ ମୋଟ ୨୪ଟି ‘ରୋମିଓ’ ହେଲିକପ୍ଟର କିଣିବାକୁ ଲକ୍ଷ୍ୟ ରଖିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଗସ୍ତରେ ଆସିବା ଆଗରୁ ହେଲିକପ୍ଟର କିଣା ପ୍ରସ୍ତାବକୁ ଗ୍ରୀନ ସିଗନାଲ ମିଳିଛି । ଆସନ୍ତା ୨୪ରେ ଟ୍ରମ୍ପ ଭାରତ ଗସ୍ତରେ ଆସିବାକୁ ଥିବା ବେଳେ ତା ପୂର୍ବରୁ ଭାରତ ଆମେରିକା ଠାରୁ ୨୪ଟି ହେଲିକପ୍ଟର କିଣିବା ନେଇ ମଞ୍ଜୁରୀ ମିଳିଛି । ଟ୍ରମ୍ପ ଆସିବା ପରେ ଏହି ଡିଲ ଉପରେ ଶେଷ ସ୍ୱାକ୍ଷର ଦେବେ ଆଉ ତାପରେ ଭାରତରୁ ଆସିବ ‘ରୋମିଓ’ ।
ଗତ ସେପ୍ଟେମ୍ବର ମାସରେ ମୋଦି ଆମେରିକା ଗସ୍ତ ସମୟରେ ଯୁଦ୍ଧାସ୍ତ୍ର କିଣାବିକା ନେଇ ଏକ ବିରାଟ ଡିଲ ହୋଇଥିଲା । ଏହି ଡିଲ ମୁତାବକ ୬ଟି ଆପାଚେ ଏବଂ ୨୪ଟି ରୋମିଓ କିଣିବାକୁ ଭାରତ ପ୍ରସ୍ତାବ ଦେଇଥିଲା । ଆଉ ଟ୍ରମ୍ପ ଆସିବା ପୂର୍ବରୁ ସବୁଜ ସଂକେତ ମିଳିଛି । ପ୍ରାୟ ୧୮ ହଜାର କୋଟି ଟଙ୍କାରେ ଏହି ରୋମିଓ କିଣା ଯାଉଥିବା ବେଳେ ଆଗାମୀ ଦୁଇ ବର୍ଷ ଭିତରେ ଏହା ଭାରତୀୟ ନୌସେନାରେ ସାମିଲ ହେବ ।
ସବୁଠାରୁ ବଡକଥା ହେଉଛି, ଏହି ହେଲିକପ୍ଟରର ନାମ ଯେମିତି କାମ ବି ସେମିତି । ‘ରୋମିଓ’ ପ୍ରେମଭରା ନାଁ ଭଳି ଲାଗୁଥିବା ବି ଏହା କିନ୍ତୁ ଶତ୍ରୁଙ୍କ ପାଇଁ ଭାରି କଠୋର । ତେବେ ନଜର ପକାନ୍ତୁ ରୋମିଓରେ ଏମିତି କେଉଁ ବିଶେଷତ୍ୱ ରହିଛି ଯାହା ପାଇଁ ଭାରତ ଆମେରିକା ଠାରୁ କିଣିବାକୁ ମନ ବଳାଇଲା ।
୧- ‘ରୋମିଓ’ ହେଲିକପ୍ଟର । ଆକାଶ ଉପରୁ ଶତ୍ରୁଙ୍କୁ ଖୋଜି ଖୋଜି ଆକ୍ରମଣ କରିବ
୨- ପାଣି ଭିତରେ ଶତ୍ରୁ ଦେଶର ବୁଡା ଜାହାଜକୁ ଟ୍ରାକ କରି ଟାର୍ଗେଟ କରିବ
୩- ସମୁଦ୍ରରେ ଆସୁଥିବା ଶତ୍ରୁଙ୍କ ଠିକଣା ଦେଇ ସେମାନଙ୍କ ଗତିବିଧି ଉପରେ ନଜର ରଖିବ ‘ରୋମିଓ’ ହେଲିକପ୍ଟର
୪- ୧୨ ହଜାର ମିଟର ଉଚ୍ଚରେ ଉଡି ପାରୁଥିବା ‘ରୋମିଓ’ ଆକାଶ ଉପରୁ ସଙ୍ଗେସଙ୍ଗେ ସମୁଦ୍ର ମଝିରେ ଓହ୍ଲାଇପାରିବ ।
୫- ଖରାପ ପାଗ ସହ ରାତିର ଘନ ଅନ୍ଧାର ଚିରି ନିଜ ଲକ୍ଷ୍ୟସ୍ଥଳରେ ପହଞ୍ଚି ପାରିବ ‘ରୋମିଓ’
୬- ମୋଟ ୯ ଜଣ ଏହି ହେଲପ୍ଟରରେ ବସିପାରିବେ । ତାସହ ୨ ଜଣ ପାଇଲଟ ମଧ୍ୟ ରହିବେ
୭- ଏହି ହେଲିପକ୍ଟଟର ଲମ୍ବା ୬୪ ଫୁଟ ହୋଇଥିବା ବେଳେ ଉଚ୍ଚତା ରହିଛି ୧୭ ଫୁଟ
୮- ରୋମିଓ ଦେହରେ ମିଶାଇଲ, ମେସିନଗନ ସହ ଅନ୍ୟାନ୍ୟ ଯୁଦ୍ଧାସ୍ତ୍ର ମଧ୍ୟ ଖଞ୍ଜାଯାଇ ପାରିବ ।
୯- ରୋମିଓ ଗତି ଘଣ୍ଟାକୁ ୨୭୦ କିଲୋମିଟର ଥିବାବେଳେ ଆବଶ୍ୟକ ପଡିଲେ ଏହା ୩୩୦କୁ ମଧ୍ୟ ବଢିପାରିବ ।
ତେବେ ଚୀନ ଭଳି ଶତ୍ରୁ ଦେଶ ପାଣି ଭିତରେ ବୁଡି ବୁଡି ଆକ୍ରମଣ ଆଶଙ୍କାରେ ଏହି ହେଲିକପ୍ଟରକୁ କିଣିବାକୁ ଚାହିଁଥିଲା ଭାରତ । ଦୁଇ ବର୍ଷ ଭିତରେ ରୋମିଓ ଭାରତୀୟ ନୌସେନାରେ ସାମିଲ ହେବା ପରେ ଏହା ଶତ୍ରୁଙ୍କ ଛାତିରେ ଆତଙ୍କ ରଚିବ ।