ଶିମିଳିପାଳରୁ ୨୩ ଦେଶୀ ବନ୍ଧୁକ ଜବତ । ବେଆଇନ୍ ବନ୍ଧୁକ କାରବାର ରୋକିବାକୁ ଆକ୍ସନ ମୋଡରେ ମୟୂରଭଞ୍ଜ ପୋଲିସ ।
କନକ ବ୍ୟୁରୋ: ବେଆଇନ ବନ୍ଧୁକ କାରବାରକୁ ରୋକିବାରେ ବଡ ସଫଳତା । ଶିମିଳିପାଳ ଅଂଚଳରୁ ୨୩ଟି ବେଆଇନ୍ ଦେଶୀ ବନ୍ଧୁକ ଜବତ କଲା ମୟୂରଭଞ୍ଜ ପୋଲିସ । ଗତ ୨ ମାସ ମଧ୍ୟରେ ଶିମିଳିପାଳ ସଂଲଗ୍ନ ଜିଲ୍ଲାର ୯ଟି ଥାନାରେ ୧୪ଟି ମାମଲା ରୁଜୁ ହୋଇଥିଲା । ମୋଟ୍ ୮ ଜଣ ଶିକାରିଙ୍କୁ ଏହି ମାମଲାରେ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ଅନେକ ବନ ଅଧିକାରୀ ଶିମିଳିପାଳରେ ପାଟ୍ରୋଲିଂ ବେଳେ ଶିକାରୀଙ୍କ ଆକ୍ରମଣର ଶିକାର ହୋଇଛନ୍ତି । ଏହାପରେ ବନ ଅଧିକାରୀ ଏବଂ ପୋଲିସ ଅଧିକାରୀ ଶିକାରିଙ୍କୁ ଧରିବା ପାଇଁ ପ୍ରୟାସ କରୁଛନ୍ତି । ଶିକାରିମାନେ ଜଙ୍ଗଲରେ ଥିବା ପଶୁ ଓ ପକ୍ଷୀଙ୍କୁ ମାରି ବେଆଇନ ଚାଲାଣ କରୁଛନ୍ତି । ଏବେ ଏହିପରି ବେଆଇନ କାରବାରକୁ ରୋକ୍ ଲଗାଇବା ପ୍ରଶାସନ ପାଇଁ ଚ୍ୟାଲେଞ୍ଜ ରହିଛି ।