ଭାରତ ଆସୁଛନ୍ତି ଇସ୍ରାଏଲ ବୈଜ୍ଞାନିକ ଦଳ: ମିଳିତ ଭାବେ ପ୍ରସ୍ତୁତ କରିବେ ରାପିଡ୍ ଟେଷ୍ଟ କିଟ୍; ୩୦ ସେକେଣ୍ଡରେ ମିଳିବ ଫଳାଫଳ
ଅନ୍ୟାନ୍ୟ ବୈଷକ୍ଷିକ ଜ୍ଞାନ କୌଶଳର ବି ହେବ ପରୀକ୍ଷଣ
କନକ ବ୍ୟୁରୋ: ଭାରତ ଆସିବେ ଇସ୍ରାଏଲର ଏକ ବୈଜ୍ଞାନିକ ଦଳ । ଏମାନେ ଦିଲ୍ଲୀ ଏମ୍ସରେ ରହି ଭାରତରେ କରୋନା ଭୂତାଣୁ ନେଇ ଅଧିକ ଗବେଷଣା କରିବେ । ଇସ୍ରାଏଲରେ ଭୟବହାର ହୋଇଥିବା ଏକ ସ୍ୱତନ୍ତ୍ର ଟେକ୍ନୋଲଜିକୁ ସେମାନେ ଏଠାରେ ବ୍ୟବହାର କରିବେ । ଏହି ଟେକ୍ନୋଲଜି ହେଉଛି ଏକ ନୂଆ ଧରଣର କୋଭିଡ ପରୀକ୍ଷା । ଏହା ଫଳାଫଳ ୩୦ ସେକେଣ୍ଡରେ ପାଇବା ପାଇଁ ପଲିଆମିନୋ ଏସିଡ୍ର ବ୍ୟବହାର କରାଯାଏ ବୋଲି ଇସ୍ରାଏଲର ପ୍ରତିରକ୍ଷା ଗବେଷଣା ଓ ବିକାଶ ନିର୍ଦ୍ଦେଶାଳୟ ପକ୍ଷରୁ କୁହାଯାଇଛି । ଫଳରେ ତୁରନ୍ତ ଫଳାଫଳ ଜଣାପଡୁଥିବାରୁ ବିମାନବନ୍ଦର, ମଲ୍ ବା ଯେକୌଣସି ସ୍ଥାନକୁ ସୁରକ୍ଷିତ ଭାବେ ଆପଣ ଯାଇ ପାରିବେ । ଏହା ଅର୍ଥ ରିଅଲ୍ଟାଇମ୍ ପରୀକ୍ଷା ଯୋଗୁଁ ବନ୍ଦ ପଡିରହିଥିବା ଅର୍ଥନୀତି ପାଇଁ ବାଟ ଫିଟିବ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟ ଏକ ପରୀକ୍ଷାରେ ଆର୍ଟିଫିସିଆଲ୍ ଇଂଟେଲିଜେନ୍ସ ବା କୃତ୍ରିମ ବୁଦ୍ଧିମତାର ବ୍ୟବହାର କରି ଲୋକର ସ୍ୱରରୁ କୋଭିଡ୍ ସଂକ୍ରମଣ ବିଷୟରେ ଜାଣି ହୋଇପାରିବ । ତୃତୀୟ ପଦ୍ଧତିରେ ନିଶ୍ୱାସ ବିଶ୍ଲେଷଣରୁ ଭାଇରସ ଚିହ୍ନଟ କରିବା । ଇସ୍ରାଏଲ ଓ ଭାରତର ବୈଜ୍ଞାନିକ ମିଳିତ ଭାବେ ଦେଶରେ ପ୍ରତି ପରୀକ୍ଷଣ ପ୍ରାୟ ୪ ହଜାରରୁ ୫ହଜାର ପରୀକ୍ଷା କରିବେ । ଭାରତରେ ଥିବା ଜ୍ଞାନ କୌଶଳକୁ ବ୍ୟବହାର କରି ଏହାକୁ ଅଧିକ ସଠିକ୍ କରାଯାଇ ପାରିବ ବୋଲି କୁହାଯାଇଛି । ବୈଜ୍ଞାନିକ ଦଳକୁ ନେଇ ଆସୁଥିବା ବିମାନରେ ରୋବଟ, ଟେଲିମେଡିସିନ୍, ସ୍ୱତନ୍ତ୍ର ସାନିଟାଇଜିଂ ଉପକରଣ ଆଦି ଭାରତକୁ ଆସିବ ।
କରୋନା ମହାମାରୀ ସଂକ୍ରମଣରୁ ଭାରତ ଇସ୍ରାଏଲକୁ ସହଯୋଗ କରି ଆସିଛି । ଯାହା ଏକ ଭଲ ବନ୍ଧୁର ଚରିତ୍ର ବୋଲି ଇସ୍ରାଏଲ ସରକାରଙ୍କ ପକ୍ଷରୁ କୁହାଯାଇଛି । ଏପରି କି ଗତ ତିନି ମାସ ମଧ୍ୟରେ ପ୍ରଧାନମନ୍ତ୍ରୀ ମୋଦି ଓ ଇସ୍ରାଏଲ ପ୍ରଧାନମନ୍ତ୍ରୀ ତିନିଥର କଥା ହୋଇ ସାରିଲେଣି । ତେବେ ଇସ୍ରାଏଲରୁ ଆସୁଥିବା ବୈଜ୍ଞାନିକ ଦଳ ଦେଢ ସପ୍ତାହ ଭାରତର ରହିବେ ବୋଲି ସୂଚନା ମିଳିଛି ।