ମୟଙ୍କ ଅଗ୍ରୱାଲଙ୍କ ଅପରାଜିତ ଶତକ, ଆଜାଜ୍ ପଟେଲଙ୍କୁ ୪ ୱିକେଟ୍ । ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟର ପ୍ରଥମ ଦିନରେ ଭାରତ ୨୨୧/୪
କନକ ବ୍ୟୁରୋ: ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟର ପ୍ରଥମ ଦିନରେ ଦେଖିବାକୁ ମିଳିଛି ମୟଙ୍କ ଅଗ୍ରୱାଲଙ୍କ ଦମଦାର ଶତକ । ଯାହା ଫଳରେ ପ୍ରଥମ ଦିନ ଶେଷ ବେଳକୁ ଟିମ୍ ଇଣ୍ଡିଆ ନିଜର ୪ ବ୍ୟାଟ୍ସମ୍ୟାନଙ୍କୁ ହରାଇ ସଂଗ୍ରହ କରିଛି ୨୨୧ ରନ୍ ।
Kanak News is now on WhatsApp
Join and get latest news updates delivered to you via WhatsApp
ଆଜି ଟସ୍ ଜିତି ପ୍ରଥମ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ ଅଧିନାୟକ ବିରାଟ କୋହଲି । ଏହାପରେ ଦଳର ଦୁଇ ଓପନର ଜବରଦସ୍ତ ଆରମ୍ଭ କରିଥିଲେ । ଦୁହେଁ ପ୍ରଥମ ୱିକେଟରେ ୮୦ ରନ୍ କରିବା ସହିତ ଶୁଭମନ୍ ଗିଲ୍ ୪୪ ରନ୍ କରି ପ୍ୟାଭିଲିୟନ୍ ଫେରିଥିଲେ । ଏହାପରେ ଚିତେଶ୍ୱର ପୂଜାରା ଓ ବିରାଟ କୋହଲି ଉଭୟ ଶୂନ୍ ରନ୍ କରି ଫେରିଥିଲେ । ଯାହାକି ଦଳକୁ ବଡ ଝଟକା ଦେଇଥିଲା ।
Stumps on Day 1 of the 2nd Test.#TeamIndia 221/4 (Mayank 120*)
Scorecard – https://t.co/KYV5Z1jAEM #INDvNZ @Paytm pic.twitter.com/WL8GGArLEe
— BCCI (@BCCI) December 3, 2021
ଏହାପରେ ଶ୍ରେୟାସ୍ ଆୟାର ୧୮ ରନ୍ କରି ମୟଙ୍କ ସହ ରନକୁ ଆଗକୁ ବଢାଇଥିଲେ । ସେ ଆଉଟ୍ ହେବା ପରେ ରିଦ୍ଧିମାନ୍ ସାହା ଓ ମୟଙ୍କ ଯୋଡି ରନର ବେଗକୁ ଆଗକୁ ବଢାଇଥିଲେ । ଏହାପରେ ନ୍ୟୁଜିଲାଣ୍ଡକୁ ଆଉ କୌଣସି ସଫଳତା ମିଳିନଥିଲା । ନ୍ୟୁଜିଲାଣ୍ଡ ପକ୍ଷରୁ ଏକମାତ୍ର ବୋଲର ଆଜାଜ୍ ପଟେଲ ହିଁ ସମସ୍ତ ୱିକେଟ୍ ନେଇଥିଲେ ।