ଓଡ଼ିଶା ଫେରିଲେ ପ୍ରବାସୀ ଓଡ଼ିଆ । ସୁରତରୁ ଆସିଥିବା ଓଡ଼ିଆଙ୍କୁ କ୍ୱାରେଣ୍ଟାଇନରେ ରଖିଲା ପ୍ରଶାସନ, ସଙ୍ଗରୋଧରେ ରହିବେ ୧୪ ଦିନ?
କନକ ବ୍ୟୁରୋ : ଗୁଜରାଟର ସୁରତରୁ ପ୍ରବାସୀ ଓଡିଆଙ୍କ ଘର ବାହୁଡା ଆରମ୍ଭ ହୋଇଯାଇଛି । ବୁଧବାର ବିଳମ୍ବିତ ରାତିରେ ସୁରତର ଓଡିଆଙ୍କୁ ନେଇ ୪ଟି ବସ ଗଂଜାମ ଜିଲ୍ଲାରେ ପହଁଚିଛି । ତେବେ ପୂର୍ବରୁ ନିଆଯାଇଥିବା ନିଷ୍ପତି ଅନୁସାରେ ୨ଟି ବସ୍ ଶେରଗଡ଼ ଓ ୨ଟି ବସ୍ ଧରାକୋଟ ପହଁଚିବା ପରେ ଯାତ୍ରୀମାନଙ୍କୁ ସ୍କ୍ରିନିଂ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଗୁଜରାଟର ସୁରତରୁ ୨୧୭ ଜଣ ଓଡ଼ିଆଙ୍କୁ ନେଇ ବୁଧବାର ବିଳମ୍ବିତ ରାତିରେ ଗଂଜାମ ଜିଲ୍ଲାରେ ପହଁଚିଛି ୪ଟି ବସ୍ । ପୂର୍ବରୁ ନିଆଯାଇଥିବା ନିଷ୍ପତି ଅନୁସାରେ ୨ଟି ବସ୍ ଶେରଗଡ଼ ଓ ୨ଟି ବସ୍ ଧରାକୋଟ ପହଁଚିବା ପରେ ଯାତ୍ରୀମାନଙ୍କୁ ସ୍କ୍ରନିଂ କରାଯାଇଥିଲା । ସେମାନଙ୍କ ମଧ୍ୟରୁ ପ୍ରାୟ ୧୫ ଜଣଙ୍କୁ ହସପିଟାଲ ନିଆଯାଇ ଯାଂଚ କରାଯାଇଥିଲା । ଏହାପରେ ଧରାକୋଟ ଓ ଶେରଗଡ ଆଦର୍ଶ ବିଦ୍ୟାଳୟ ପରିସରରେ ସମସ୍ତ ଯାତ୍ରୀଙ୍କୁ ସଂଗରୋଧରେ ରଖିଛି ଜିଲ୍ଲା ପ୍ରଶାସନ । ସମସ୍ତଙ୍କୁ ୧୪ ଦିନ ପାଇଁ ସଂଗରୋଧରେ ରଖାଯିବ । ପ୍ରବାସୀ ଓଡିଆଙ୍କ ରହିବା ଖାଇବା ଠାରୁ ନେଇ ସମସ୍ତ ବ୍ୟବସ୍ଥା ସରକାରଙ୍କ ନିୟମ ମୁତାବକ କରାଯାଇଛି । କ୍ୱାରେଂଟିନ୍ ସ୍ଥଳକୁ କାହାକୁ ଛଡ଼ା ଯାଉନଥିବା ବେଳେ ୧୪୪ ଧାରା ଜାରି କରିଛି ପ୍ରଶାସନ ।
ସୁରତ ଫେରନ୍ତାଙ୍କୁ ନିଜ ବ୍ୟବହାର୍ଯ୍ୟ ସାମଗ୍ରୀର ଏକ କିଟ୍ ଦିଆଯାଇଛି । ସରକାରଙ୍କ ନିୟମ ମୁତାବକ ଖାଦ୍ୟପେୟ ବ୍ୟବସ୍ଥା ମଧ୍ୟ କରାଯାଇଛି । ତେବେ ସଙ୍ଗରୋଧରେ ରହିଥିବାରୁ ପ୍ରବାସୀ ଓଡ଼ିଆ ଅସନ୍ତୋଷ ପ୍ରକାଶ କରିଛନ୍ତି । ନିଜ ପଂଚାୟତରେ ରହିବାକୁ ଦାବି ଜଣାଇଛନ୍ତି ।
ସେପଟେ କେନ୍ଦ୍ରାପଡ଼ା ଓ ଯାଜପୁରର ଶ୍ରମିକମାନେ ମଧ୍ୟ ସୁରତ ଛାଡିଛନ୍ତି । ବସ ଯୋଗେ ପୁଣି ଓଡିଶା ଅଭିମୁଖେ ବାହାରିଛନ୍ତି । ବୁଧବାର ରାତିରୁ ଗୋଟିଏ ବସରେ ଯାଜପୁର ଓ ଭଦ୍ରକ ଅଂଚଳର ଲୋକ ଘରକୁ ଫେରୁଛନ୍ତି । ଭଦ୍ରକ ତିହିଡି ଓ ଚାନ୍ଦବାଲି ବ୍ଲକର ୨୧ ଜଣ ଓ ଧାମନଗର, ଧୁଷୁରୀ, ବନ୍ତ, ସାବରଙ୍ଗ, ବାଣିତିଆ ଅଂଚଳର ୨୪ ଜଣ ଅଛନ୍ତି ଏହି ବସରେ । ସେହିପରି ଗୁରୁବାର ଦିନ ମଧ୍ୟ ସୁରତରୁ ଆଉ ୪ଟି ବସ୍ ବାହାରିଛି । ସମସ୍ତ ଯାତ୍ରୀ ଗଂଜାମ ଜିଲ୍ଲାର ବୋଲି ସୂଚନା ମିଳିଛି ।