ମହାବାତ୍ୟାକୁ ପୁରିଲା ୨୧ ବର୍ଷ : ଦିନ ଯାଇଛି ଚିହ୍ନ ରହିଛି , ୩୦୦ ଲୋକଙ୍କୁ ହରାଇ ଛାରଖାର ହୋଇଯାଇଥିଲା ଏରସମାର କାଙ୍କଣ ଗାଁ

ସେ ଦିନର ଭୟଙ୍କର ଅନୁଭୂତିକୁ ମନେ ପକାଇ ଏବେ ବି ଶିହରି ଉଠୁଛନ୍ତି ଲୋକେ 

571

କନକ ବ୍ୟୁରୋ : ୧୯୯୯ ମହାବାତ୍ୟାକୁ ପୁରିଛି ୨୧ ବର୍ଷ । ପ୍ରକୃତିର ତାଣ୍ଡବ କେତେ ଭୟଙ୍କର ହୋଇପାରେ , ୧୯୯୯ ଅକ୍ଟୋବର ୨୯  ତାରିଖ ହେଉଛି  ଏହାର ଉଦାହରଣ ।  ମହାବାତ୍ୟାର କରାଳ ରୂପକୁ ଯିଏ ଅଙ୍ଗେ ନିଭେଇଛି  ସେ କଳାରାତ୍ରିର ଅନୁଭୂତିକୁ ଅନୁଭବ କରିଛି ।  ସେହି ଯନ୍ତ୍ରଣା ଓ ସେହି କାହାଣୀ ଏବେ ମନେମପଡିଲେ ମନ ଶିହରିଉଠେ । ଦିନ ଯାଇଛି ହେଲେ ଚିହ୍ନ ରହିଛି । ଲୋକେ ପୁରୁଣା କଥାକୁ ମନେ ପକାଇ ଏବେ ବି  କୋହ ସମ୍ଭାଳିପାରୁନାହାନ୍ତି ।  ମହାବାତ୍ୟାରେ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଥିଲା ଏରସମା ବ୍ଲକର କାଙ୍କଣ ଗାଁ ।

ଏହି ଗାଁରେ ୩ ଶହରୁ ଅଧିକ ଲୋକ ପ୍ରାଣ ହରାଇଥିଲେ ।  ୨୧ ବର୍ଷ ପରେ ବି ଗାଁରେ କୌଣସି ଉନ୍ନତି ହୋଇନାହିଁ ।  ୨୦ ବର୍ଷ ତଳେ ଯେଉଁ ଚାଳଘର ଥିଲା ଏବେ ବି ସେହି ଚାଳଘର । ଗାଁକୁ ଭଲ ରାସ୍ତା ନାହିଁ କି ପାଣିନାହିଁ । ବିଦ୍ୟୁତ ସଂଯୋଗ ଥିଲେ ବି ଅଧିକାଂଶ ସମୟରେ ବିଜୁଳି ଗାଏବ ।  ମହାବାତ୍ୟାର ସେହି କରାଳ ରୂପକୁ ଦେଖିଛନ୍ତି ଏରସମା ବ୍ଲକର କାଙ୍କଣ ଗାଁର ଲୋକେ । ଏବେ ବି ସେହି କଥାକୁ ମନେ ପକାଇ ଅନୁଭୂତି ବଖାଣୁନଛନ୍ତି ଗାଁ ଲୋକେ ।

Comments are closed.