ସୁନ୍ଦରଗଡରୁ ଲାହୋର ଜେଲ, ଶତୃଦେଶରେ ୨୦ ବର୍ଷର ବନ୍ଦୀ ଜୀବନ । ମୃତ୍ୟୁର ପାଦ ଦେଶକୁ ଛୁଇଁ ଜନ୍ମମାଟିକୁ ଫେରୁଛନ୍ତି ବିରଜୁ କୁଲୁ
କନକ ବ୍ୟୁରୋ : ଓଡିଶାର କୂଳଭୁଷଣ ବିରଜୁ କୁଲୁ । ପାକିସ୍ତାନ ଜେଲରେ ୨୦ ବର୍ଷର ଜର୍ଜରିତ ବନ୍ଦୀ ଜୀବନ । ସାମାନ୍ୟ ଭୁଲରୁ ପାକିସ୍ତାନରେ ଫସିଗଲେ ସୁନ୍ଦରଗଡ ଜିଲ୍ଲା କୁତ୍ରା ବ୍ଲକ କଟଙ୍ଗ ଜଙ୍ଗାଟୋଲିର ବିରଜୁ କୁଲୁ । ପାକିସ୍ତାନ ଜେଲରେ ୨୦ ବର୍ଷ ରହିବା ପରେ ଏବେ ଗାଁକୁ ଡେଫରୁଛନ୍ତି ବିରଜୁ । ଯୁବକ ବେଳେ ସେଥିଲେ ସାମାନ୍ୟ ମାନସିକ ବିକୃତ । ୨୦/୨୫ ବର୍ଷ ହୋଇଥିବା ବେଳେ ସେ ଘର ଛାଡି କେଉଁଆଡେ ପଳାଇଥିଲେ । ପରିବାର, ବନ୍ଧୁ ପରିଜନ ଅନେକ ଖୋଜା ଖୋଜି କରିବା ପରେ ବି କିଛି ମିଳିନଥିଲା ସନ୍ଧାନ । ହେଲେ ୨୦ ବର୍ଷ ପରେ ଗତବର୍ଷ ହଠାତ ବିରଜୁଙ୍କ ଘରେ ପହଂଚିଲା କୁତ୍ରା ପୋଲିସ । ଆଉ ଠିକଣା ଯାଂଚ କରିଥିଲା । ଆଉ ଜଣାପଡିଲା ଯେ ବିରଜୁ ଏବେ ବି ବଞ୍ଚିଛି ଆଉ ପାକିସ୍ତାନର ଲାହୋର ଜେଲରେ ବନ୍ଦୀ ଜୀବନ କାଟୁଛି ।
Kanak News is now on WhatsApp
Join and get latest news updates delivered to you via WhatsApp
ବିରଜୁ ଭୁଲ ବସତ ପାକିସ୍ତାନ ସୀମା ଭିତରେ ପଶିଯିବାରୁ ତାକୁ ପାକିସ୍ତାନ ସେନା ସନ୍ଦେହ କରି ଲାହୋର ଜେଲରେ ପୁରାଇଦେଇଥିଲା । ଏନେଇ କିଛି ସଠିକ୍ ସୂଚନା ମିଳିନାହିଁ । ହେଲେ ଜେଲ ମିଆଦ ସରିବା ପରେ ଭାରତ ସରକାରଙ୍କ ସହ ଯୋଗା ଯୋଗ କରି ପାକିସ୍ତାନ ସରକାର ଏବେ ତାଙ୍କୁ ଜେଲରୁ ମୁକୁଳାଇଛନ୍ତି । ବିରଜୁକୁ ଅକ୍ଟୋବର ୨୬ ତାରିଖରେ ଭାରତକୁ ହସ୍ତାନ୍ତର କରିଛି ପାକିସ୍ତାନ ସରକାର । ଏହାପରେ ଭାରତ ସରକାର ବିରଜୁକୁ ଆଣି ପଞ୍ଜାବ ଅମୃତସର ଠାରେ ଥିବା ନାରାୟଣଗଂଜ କୋଭିଡ ହସ୍ପିଟାଲରେ ରଖିଛନ୍ତି । ଗଲାବେଳେ ଛାଡି ଯାଇଥିବା ବାପା ମା ଏବେ ବିରଜୁକୁ ଛାଡି ଚାଲିଯାଇଛନ୍ତି । ଏକ ମାତ୍ର ଭଉଣୀ ଏବେ ବାହା ହୋଇ ନିଜ ସଂସାର ଜଞ୍ଜାଳରେ ବ୍ୟସ୍ତ । ହେଲେ ବିରଜୁ ଫେରିବା କଥା ଶୁଣିଲା ପରେ ଭଉଣୀର ପାଦ ଆଉ ତଳେ ଲାଗୁନି । କେବେ ଫେରିବ ବରଜୁ । କେବେ ଆସିବ ରକ୍ଷୀ ପୂର୍ଣ୍ଣମୀ । ୨୦ ବର୍ଷ ପରେ ପୁଣିଥରେ ଭାଇ ହାତରେ ରକ୍ଷୀ ବାନ୍ଧିବ । ଏମିତି ଅନେକ ସ୍ୱପ୍ନକୁ ସାଇତି ରଖିଛି ବିରଜୁର ଭଉଣୀ ।