ଆଉ ମାତ୍ର ଗୋଟିଏ ରାଉଣ୍ଡ ବାକି ! ବଡ ବ୍ୟବଧାନରେ ବିଜେଡି ଆଗୁଆ, ଲକ୍ଷେ ଡେଇଁଲା ବିଜେଡି ଭୋଟ
କନକ ବ୍ୟୁରୋ : ଆଉ ଗୋଟିଏ ରାଉଣ୍ଡର ଗଣତି ପରେ ଆସିବ ବିଜେପୁର ଜନାଦେଶ । ବିଜେପୁର ଉପନିର୍ବାଚନ ପାଇଁ ଭୋଟ ଗଣତି ସରିବାକୁ ଆଉ ମାତ୍ର ୧ ରାଉଣ୍ଡ ବାକି ରହିଛି । ୨୦ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ରୀତା ସାହୁ ନିକଟତମ ପ୍ରତିଦ୍ୱନ୍ଦୀ ବିଜେପିର ଅଶୋକ ପାଣିଗ୍ରାହୀଙ୍କ ଠାରୁ ୪୧୫୩୯ ଭୋଟରେ ଆଗରେ ରହିଛନ୍ତି । ୨୦ ରାଉଣ୍ଡରେ ରୀତା ୩୭୧୧ଟି ଭୋଟ ପାଇଥିବା ବେଳେ ବିଜେପି ପ୍ରାର୍ଥୀ ଅଶୋକ ପାଣିଗ୍ରାହୀ ୨୪୨୦ଟି ଭୋଟ ହାତେଇଛନ୍ତି । କଂଗ୍ରେସର ନିରାଶଜନକ ପ୍ରଦର୍ଶନ ଜାରି ରହିଛି । କଂଗ୍ରେସ ପ୍ରାର୍ଥୀ ପ୍ରଣୟ ୧୫ତମ ରାଉଣ୍ଡରେ ମୋଟ ୧୨୧୯ଟି ଭୋଟ ପାଇଛନ୍ତି । ନୋଟା ବିକଳ୍ପରେ ୯୭ଟି ଭୋଟ ପଡିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ମୋଟାମୋଟି ଭାବେ ଦେଖିବାକୁ ଗଲେ ୧୫ତମ ରାଉଣ୍ଡ ସୁଦ୍ଧା ବିଜେଡି ୧୦୧୪୩୫ଟି ଭୋଟ ପାଇ ପ୍ରଥମ ସ୍ଥାନରେ ଥିବା ବେଳେ ବିଜେପିକୁ ମିଳିଛି ୫୯୮୯୬ଟି ଭୋଟ । ସେହିଭଳି କଂଗ୍ରେସ ମୋଟ ୧୦୧୫୩ଭୋଟ ପାଇବାକୁ ସକ୍ଷମ ହୋଇଛି । ଏହାଛଡା ନୋଟାରେ ୧୨୪୪ଟି ଭୋଟ ପଡିଛି । ୨୦ ରାଉଣ୍ଡ ଭୋଟ ଗଣତି ଶେଷ ହେବା ପରେ ବିଜେଡି ଶିବିରରେ ଆରମ୍ଭ ହୋଇଛି ସେଲିବ୍ରେସନ । ପ୍ରଥମ ଥର ପାଇଁ ବିଜେପୁରରେ ଏକ ବଡ ବ୍ୟବଧାନରେ ଜିତିବାକୁ ଯାଉଛି ବିଜେଡି । ଲକ୍ଷେରୁ ଅଧିକ ଭୋଟ ହାତେଇବା ସହ ନୂଆ ରେକର୍ଡ କରିଛି ବିଜେଡି ।