୨୦୨୦ରେ ମନ କି ବାତ କାର୍ଯ୍ୟକ୍ରମ : ମୋଦି କହିଲେ, ହିଂସା କରେନି ସମସ୍ୟାର ସମଧାନ, ନୂତନ ଭାରତ ଗଠନରେ ଶାନ୍ତି ଉପାୟରେ ହେବ ସବୁ ସମସ୍ୟାର ସମାଧାନ
କନକ ବ୍ୟୁରୋ : ହିଂସା କେବେ ସମସ୍ୟାର ସମଧାନ କରେନି । କୌଣସି ସମସ୍ୟାର ସମାଧାନ ଅନ୍ୟ ଗୋଟିଏ ସମସ୍ୟା ସୃଷ୍ଟି କରି କରାଯାଇପାରିବ ନାହିଁ । ୨୦୨୦ର ପ୍ରଥମ ମନ କି ବାତ କାର୍ଯ୍ୟକ୍ରମରେ ଦେଶବାସୀଙ୍କୁ ଏହି ଉଦବୋଧନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ହିଂସାର ବାଟକୁ ଆପଣେଇଥିବା ଲୋକମାନଙ୍କୁ ମୁଖ୍ୟସ୍ରୋତକୁ ଫେରିଆସିବାକୁ ଆହ୍ୱାନ ଦେଇଛନ୍ତି ମୋଦି । ଏସବୁର ସମାଧାନ କରିବା ପାଇଁ ଭାରତର କ୍ଷମତା ରହିଛି ବୋଲି ବିଶ୍ୱାସ କରିବା ଉଚିତ । ଏହି ଅବସରରେ ମୋଦି କହିଥିଲେ ଏକ ନୂଆ ଭାରତ ଗଠନ କରିବା ଯେଉଁଠି ଶାନ୍ତି ଉପାୟରେ ସବୁ ସମାଧାନ ହେବ ।
Kanak News is now on WhatsApp
Join and get latest news updates delivered to you via WhatsApp
ଆତଙ୍କବାଦୀ ଆତ୍ମସମର୍ପଣ କରିବା ପ୍ରସଙ୍ଗରେ ମୋଦି କହିଛନ୍ତି, ଯେଉଁମାନେ ଭାବିଥିଲେ ହିଂସା ଦ୍ୱାରା ସମାଧାନ ହୋଇପାରିବ ସେମାନେ ବନ୍ଧୁକ ଉଠାଇଥିଲେ । କିନ୍ତୁ ସେମାନେ ଏବେ ବୁଝିଛନ୍ତି, ଶାନ୍ତି ସଦଭାବନା ଦ୍ୱାରା ହିଁ କୌଣସି ସମାଧାନ କରାଯାଇପାରିବ । ଏକ ବିଂଶ ଶତାବ୍ଦିକୁ ଜ୍ଞାନ, ବିଜ୍ଞାନ ଏବଂ ଗଣତନ୍ତ୍ରର ଯୁଗ ବୋଲି କହିଛନ୍ତି ମୋଦି । ଏଥିସହ ସେ ଆହୁରି କହିଛନ୍ତି, ଏମିତି ଗୋଟିଏ ସ୍ଥାନ ଅଛି କି ଯେଉଁଠି ହିଂସା ଜରିଆରେ ଉନ୍ନତି ହୋଇଛି । ବିଶ୍ୱର କୌଣସି ସମସ୍ୟାର ସମାଧାନ ହିଂସା ନୁହେଁ ବୋଲି କହିଛନ୍ତି ପ୍ରଧାନମନ୍ତ୍ରୀ ।