ଚିନ୍ତା ବଢାଇଲା କରୋନା । ଦେଶରେ ଗୋଟିଏ ଦିନରେ ୨୦୨ ଆକ୍ରାନ୍ତଙ୍କ ମୃତ୍ୟୁ ।

କନକ ବ୍ୟୁରୋ : କରୋନାର ନୂଆ ପ୍ରଜାତି ଓମିକ୍ରନର ଆତଙ୍କ ଭିତରେ ପୁଣି ଚିନ୍ତା ବଢାଇଲାଣି କରୋନା ମହାମାରୀ । ଆଜି ଦେଶରେ ଗୋଟିଏ ଦିନରେ ୨୦୨ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି । ଏହା ସହ ଦେଶରେ ମୋଟ୍ ମୃତ୍ୟୁସଂଖ୍ୟା ୪ ଲକ୍ଷ ୭୫ ହଜାର ୬୩୬ରେ ପହଞ୍ଚିଲା ।

ସେହିପରି ଦେଶରେ ୨୪ ଘଣ୍ଟା ଭିତରେ ୭,୩୫୦ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । କରୋନା ଭୂତାଣୁରେ ସଂକ୍ରମିତ ହୋଇ ଏଯାଏଁ ମୋଟ୍ ୩ କୋଟି ୪୧ ଲକ୍ଷ ୩୦ ହଜାର ୭୬୮ ଜଣ ସୁସ୍ଥ ହେଲେଣି । ସେହିପରି ବର୍ତ୍ତମାନ ସମୟରେ ସାରା ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ରହିଛି ୯୧ ହଜାର ୪୫୬ । ତେବେ ଦେଶରେ ୧୩୩ କୋଟି ୧୭ ଲକ୍ଷ ୮୪ ହଜାର ୪୨୬ ଜଣ ଲୋକ କରୋନା ଟୀକା ନେଇସାରିଲେଣି ।