ଛାତରୁ ଖସିପଡି ଦୁଇ କାନ୍ଥ ସନ୍ଧିରେ ମାତ୍ର ୮ ଇଞ୍ଚ ଫାଙ୍କରେ ଝୁଲି ରହିଲା କୁନିଝିଅ । କଟରରେ କାନ୍ଥ କାଟି ଉଦ୍ଧାର କଲା ଅଗ୍ନିଶମ ବାହିନୀ ।
କନକ ବ୍ୟୁରୋ : ଦୁଇ କାନ୍ଥ ମଝିରେ ଫସିଗଲା ୨ ବର୍ଷର ଶିଶୁ । ଚୌଦ୍ୱାର ତଳବଜାରରେ ଘଟିଛି ଏହି ଅଘଟଣ । ଦୁଇ କାନ୍ଥ ମଝିରେ ବିପଦ ସଙ୍କୁଳ ଅବସ୍ଥାରେ ଫସିଥିବା ୨ ବର୍ଷର ଶିଶୁ କନ୍ୟାକୁ ଅଗ୍ନିଶମବାହିନୀ ସହାୟତାରେ ଉଦ୍ଧାର କରାଯାଇଛି । ଉଦ୍ଧାର ପରେ ଶିଶୁକୁ ତୁରନ୍ତ ଏକ ନର୍ସିଂହୋମରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଛୁଆଙ୍କ ସାଙ୍ଗରେ ଛାତ ଉପରେ ଖେଳିବା ବେଳେ ଦୁଇ କାନ୍ଥର ସନ୍ଧି ଭିତରକୁ ଖସିପଡିଥିଲା ଶିଶୁ କନ୍ୟା । ଦୁଇ କାନ୍ଥ ମଝିରେ ମାତ୍ର ୮ ଇଞ୍ଚର ଦୂରତା ଥିବା ବେଳେ ସେଥିରେ ୧୫ ଫୁଟ୍ ତଳକୁ ଶିଶୁଟି ଖସିପଡିଥିଲା । ଖବର ପାଇ ଅଗ୍ନିଶମବାହିନୀ ଘଟଣାସ୍ଥଳରେ ପହଞ୍ଚି କାନ୍ଥକୁ କଟର ସହାୟତାରେ କାଟି ଶିଶୁ କନ୍ୟାକୁ ଉଦ୍ଧାର କରାଯାଇଛି । ଏବେ ଶିଶୁର ସ୍ୱାସ୍ଥ୍ୟବସ୍ଥା ଠିକ୍ ଥିବା ସୂଚନା ମିଳିଛି ।