ପାରାଦ୍ୱୀପରେ ଲାଗିଲା ଯୁଦ୍ଧ ଜାହାଜ: ଆଇଏନଏସ୍ ଘଡିୟଲ ଓ ଆଇଏନଏସ୍ ରାଣାକୁ ଦେଖିବାକୁ ଲୋକଙ୍କ ଗହଳି
ନୌସପ୍ତାହ ଦିବସ ପାଳନ ଉପଲକ୍ଷେ ଦୁଇ ଦିନ ପାଇଁ ଲୋକେ ଏହାକୁ ଦେଖିବାର ସୁଯୋଗ ପାଇଛନ୍ତି
କନକ ବ୍ୟୁରୋ: ପାରଦୀପ ବନ୍ଦରରେ ଲାଗିଲା ଦୁଇଟି ଯୁଦ୍ଧ ଜାହାଜ । ଆଇଏନଏସ୍ ଘଡ଼ିୟଲ ଓ ଆଇଏନଏସ ରାଣା ନାମକ ଦୁଇଟି ଯୁଦ୍ଧ ଜାହାଜ ପାରାଦୀପ ସମୁଦ୍ରରେ ଲାଗିଥିବା ବେଳେ ସାଧାରଣ ଲୋକେ ଏହାକୁ ଦେଖିବା ପାଇଁ ଗହଳି ଲଗାଇଛନ୍ତି । ନୌସପ୍ତାହ ଦିବସ ପାଳନ ଉପଲକ୍ଷେ ଦୁଇ ଦିନ ପାଇଁ ଲୋକେ ଏହାକୁ ଦେଖିବାର ସୁଯୋଗ ପାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଯୁଦ୍ଧ ଜାହାଜ ଦେଖିବା ପାଇଁ ସର୍ବସାଧାରଣଙ୍କ ନିମନ୍ତେ ପାରାଦୀପ ଜୟଦେବ ସଦନ ନିକଟରୁ ବସ୍ ଯୋଗେ ବନ୍ଦରକୁ ଯିବା ପାଇଁ ବ୍ୟବସ୍ଥା କରାଯାଇଛି । ଶାନ୍ତି ଶୃଂଖଳାର ସହ କିପରି ଲୋକେ ଯୁଦ୍ଧ ଜାହାଜ ଦେଖିପାରିବେ ସେ ନେଇ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ଜାହାଜ ମଧ୍ୟରେ ଥିବା ଯୁଦ୍ଧ ଉପକରଣ ଦେଖିବାକୁ ଲୋକଙ୍କ ଉତ୍ସାହ ରହିଥିବା ବେଳେ ଏଥିପାଇଁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।