ବେଗୁନିଆ ପୋଲିସର କଳାକାରନାମା : ଦିନରେ ଜବତ କରିଥିବା ବାଣ ଓ ମଦକୁ ରାତି ଅଧରେ ଚାଲାଣ ବେଳେ ଧରିଲେ ସ୍ଥାନୀୟ ଲୋକ
କନକ ବ୍ୟୁରୋ : ପଦାରେ ପଡ଼ିଲା ବେଗୁନିଆ ପୋଲିସର କଳାକାରନାମା । ଦିନରେ ଜବତ କରିଥିବା ବାଣ ଓ ମଦକୁ ରାତି ଅଧରେ ଥାନାରୁ ଚାଲାଣ ବେଳେ ଧରିଲେ ସ୍ଥାନୀୟ ଲୋକ । ଘଟଣା ସମ୍ପର୍କରେ ଏସଡିପିଓଙ୍କୁ ଖବର ଦେଇଥିଲେ ଲୋକେ । ଗତକାଲି ଖୋର୍ଦ୍ଧା ବେଗୁନିଆ ପୋଲିସର ବାଣ ଗୋଦାମରେ ଚଢ଼ାଉ କରି ଟ୍ରକ ଟ୍ରକ ବାଣ ଜବତ କରାଯାଇଥିଲା । ଖାଲି ବାଣ ନୁହେଁ ସମାନ ଦିନରେ ଅନ୍ୟ ସ୍ଥାନରେ ଚଢ଼ାଉ କରି ବେଆଇନ୍ ମଦ ଜବତ କରିଥିଲା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏସବୁକୁ ରାତି ଅଧରେ ବେଗୁନିଆ ଥାନା ପଛପଟ ଗେଟ୍ ଦେଇ ଚୋରା ଚାଲାଣ କରୁଥିବା ବେଳେ ସ୍ଥାନୀୟ ଲୋକଙ୍କ ହାବୁଡ଼ରେ ପଡ଼ି ହଟହଟ୍ଟା ହୋଇଥିଲା ପୋଲିସ । ଥାନାରୁ ଜବତ ବାଣ ଏବଂ ମଦକୁ ରାତି ଅଧରେ ଅନ୍ୟ ଏକ ଗାଡ଼ିରେ କାହିଁକି ଯାଉଛି ବୋଲି ଲୋକମାନେ ପ୍ରଶ୍ନ କରିବା ସହ ଗାଡ଼ିକୁ ଅଟକ ରଖି ଖୋର୍ଦ୍ଧା ଏସଡିପିଓଙ୍କୁ ଏନେଇ ଖବର ଦେଇଥିଲେ । ଘଟଣାସ୍ଥଳରେ ଏସଡିପିଓ ପହଞ୍ଚି ଉଚ୍ଚସ୍ତରୀୟ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି । ଥାନାରୁ ଜବତ ବାଣ, ମଦ ଚାଲାଣ ସାମିଲ ଥିଲେ ଜଣେ ପୋଲିସ ଡ୍ରାଇଭର, ଥାନାର ଅନ୍ୟ କେତେଜଣ କର୍ମଚାରୀ ।