ଆଜିଠୁ ଅଫଲାଇନ ପରୀକ୍ଷା ନେଇ ଆବେଦନ କରିପାରିବେ ଅସନ୍ତୁଷ୍ଟ ଯୁକ୍ତଦୁଇ ଛାତ୍ରଛାତ୍ରୀ : କଲେଜକୁ ଆବେଦନ ପାଇଁ ଲିଙ୍କ୍ ଯୋଗାଇ ଦେଲେ ବୋର୍ଡ
ସେପ୍ଟେମ୍ବର ୩ରୁ ୯ ତାରିଖ ମଧ୍ୟରେ କଲେଜରେ ଫର୍ମଫିଲଅପ୍ କରିପାରିବେ ପିଲା
କନକ ବ୍ୟୁରୋ : ଯୁକ୍ତଦୁଇ ବିକଳ୍ପ ମୂଲ୍ୟାୟନ ମାର୍କକୁ ନେଇ ଅସନ୍ତୁଷ୍ଟ ଛାତ୍ରଛାତ୍ରୀ ଅଫଲାଇନ ପରୀକ୍ଷା ପାଇଁ ଆଜିିଠୁ ଆବେଦନ କରିପାରିବେ । ଅଫଲାଇନ ପରୀକ୍ଷା ପାଇଁ ଆବେଦନ କରିବାକୁ କଲେଜଗୁଡିକ ଲିଙ୍କ୍ ଯୋଗାଇ ଦେଇଛି ମାଧ୍ୟମିକ ଶିକ୍ଷା ପରିଷଦ । ଅପରାହ୍ନ ୨ଟାରୁ ୯ ତାରିଖ ଯାଏଁ ଅଫଲାଇନ୍ ପରୀକ୍ଷା ପାଇଁ ନିଜ କଲେଜରେ ଆବେଦନ କରିପାରିବେ ଛାତ୍ରଛାତ୍ରୀ । ଅବେଦନ ତାରିଖ ସରିବା ପରେ ପରୀକ୍ଷା କେବେ ହେବ ତାହା ନିର୍ଦ୍ଧାରିତ କରାଯିବ ବୋଲି ବୋର୍ଡ ପକ୍ଷରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଅଫଲାଇନ୍ ପରୀକ୍ଷା ପିଲାମାନେ ସମସ୍ତ ବିଷୟରେ ପରୀକ୍ଷା ଦେବେ ନାହିଁ । କେବଳ ପ୍ରମୁଖ ବିଷୟ ଗୁଡିକ ଉପରେ ଅଫଲାଇନରେ ପରୀକ୍ଷା ହେବ । ତେବେ ଯେଉଁ ଛାତ୍ରମାନେ ଅଫଲାଇନ ପରୀକ୍ଷା ଦେବେ, ସେମାନଙ୍କ ଅଫଲାଇନ୍ ପରୀକ୍ଷା ଫଳକୁ ଚୂଡାନ୍ତ ଭାବେ ଗ୍ରହଣ କରାଯିବ । ବିକଳ୍ପ ମୂଲ୍ୟାୟନରେ କୌଣସି ଛାତ୍ର ଅଧିକ ମାର୍କ ରଖିଥିଲେ ଏବଂ ଅଫଲାଇନ୍ ପରୀକ୍ଷା ଫଳରେ ଯଦି କମ ମାର୍କ ରଖନ୍ତି । ତେବେ ଅଫଲାଇନର ପରୀକ୍ଷା ଫଳକୁ ଚୂଡାନ୍ତ ଭାବେ ଗ୍ରହଣ କରାଯିବ ।