ଆଜିଠୁ ଆରମ୍ଭ ହେଲା ୪୫ ବର୍ଷରୁ ଅଧିକ ବୟସ୍କ ବ୍ୟକ୍ତିଙ୍କ ଟିକାକରଣ । ଏପ୍ରିଲ ପହିଲାରେ ରାଜ୍ୟରେ ଟିକା ନେଲେ ୨ ଲକ୍ଷରୁ ଅଧିକ ଲୋକ ।
କନକ ବ୍ୟୁରୋ: ଆଜିଠାରୁ ୪୫ବର୍ଷରୁ ଉର୍ଦ୍ଧ ବ୍ୟକ୍ତିଙ୍କ ଟିକାକରଣ ଆରମ୍ଭ ହୋଇଛି । ଏପ୍ରିଲ ପହିଲା ପ୍ରଥମ ଦିନରେ ଟିକାକରଣର ୨ ଲକ୍ଷ ଟାର୍ଗେଟ ପୂରଣ କରିଛି ଓଡିଶା । ଆଜି ଗୋଟିଏ ଦିନରେ ୨ ଲକ୍ଷ ୩ ହଜାର ୧୬୨ ଜଣଙ୍କୁ ଟିକା ଦିଆଯାଇଛି । ସେପଟେ ଦୀର୍ଘ ମାସର ବ୍ୟବଧାନ ପରେ ଓଡ଼ିଶାରେ ପ୍ରାୟ ୪ ଶହକୁ ଛୁଇଁଛି କରୋନା ମିଟର । ଆଜି ରାଜ୍ୟରେ ରେକର୍ଡ ୩୯୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କ୍ୱାରେଣ୍ଟିରୁ ୨୩୧ ଓ ଲୋକାଲ କଂଟାକ୍ଟରୁ ୧୬୩ ଜଣ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ଭିତରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୭୦ ଜଣ ଚିହ୍ନଟ ହୋଇଥିବା ବେଳେ କଳାହାଣ୍ଡିରେ ୪୩, ନୂଆପଡାରୁ ୪୦, ବରଗଡରୁ ୩୪ ଓ ସୁନ୍ଦରଗଡରୁ ୩୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଂଟାରେ ୧୬୧ ଜଣ କରୋନାରୁ ସୁସ୍ଥ ହୋଇଛନ୍ତି । ଫଳରେ ରାଜ୍ୟରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୨ହଜାର ୨୪୬ରେ ପହଂଚିଛି ।
ଏପଟେ ଦେଶରେ କରୋନା ଦୈନିକ ଆକ୍ରାନ୍ତଙ୍କ ସଂଖ୍ୟା ଦ୍ରୁତ ଗତିରେ ବଢିବାରେ ଲାଗିଛି । ଗତ ୨୪ ଘଂଟାରେ ୭୨ ହଜାର ୩୩୦ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୫୯ ଜଣଙ୍କ ମୃତ୍ୟୁ ହୋଇଛି । ନୂଆ ଆକ୍ରାନ୍ତଙ୍କ ସଂଖ୍ୟ ୧୭୨ ଦିନ ପରେ ସବୁଠୁ ଅଧିକ ଚିହ୍ନଟ ହୋଇଛି । ଗତ ୨୪ ଘଂଟାରେ ୪୦ ହଜାର ୩୮୨ ଜଣ କରୋନାରୁ ସୁସ୍ଥ ହୋଇଛନ୍ତି । ଫଳରେ ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୫ଲକ୍ଷ ୮୪ ହଜାର ୫୫ରେ ପହଂଚିଛି । ସେହିପରି ଛୁଟି ଦିନରେ ବି ଓଡ଼ିଶାରେ କରୋନା ଟିକା ଦେବାକୁ ନିଷ୍ପତି ନେଇଛନ୍ତି ସରକାର ।