କୁତ୍ତାଖାଇ ଗଳି ବି. ଗୁଣାବତୀ ହତ୍ୟାକାଣ୍ଡର ପର୍ଦ୍ଦାଫାସ : ପୁଅର ଲାପଟପ ଚୋରାଇବାକୁ ଯାଇ ମା’ର ଗଳା କାଟିଦେଇଥିଲା ଅଭିଯୁକ୍ତ
କନକ ବ୍ୟୁରୋ : ପୁଅର ଲାପଟପ୍ ଚୋରାଇବାକୁ ଯାଇଥିଲେ, ହେଲେ ମାଆଙ୍କୁ ପନିକୀରେ ହାଣି ଦେଇଥିଲେ ଅଭିଯୁକ୍ତ । କଟକ ଓଡ଼ିଆ ବଜାର କୁତ୍ତାଖାଇ ଗଳିରେ ହୋଇଥିବା ମହିଳାଙ୍କ ହତ୍ୟାକାଣ୍ଡର ପର୍ଦ୍ଦାଫାସ କରିଛି କମିସନରେଟ୍ ପୁଲିସ । ଦୁଇ ଅଭିଯୁକ୍ତ ୱାଇ ସୁନିଲ୍ ଓ ତାଙ୍କ ଭାଇ ୱାଇ ସୁଦୀପକୁ ଗିରଫ କରାଯାଇଛି । ଜୁଲାଇ ୧୫ ତାରିଖରେ ବି. ଗୁଣାବତୀ ନାମକ ଜଣେ ମହିଳାଙ୍କୁ ପନିକୀରେ ଗଳାକାଟି ଅତି ନିର୍ମମ ଭାବେ ହତ୍ୟା କରାଯାଇଥିଲା । ଅଭିଯୁକ୍ତମାନେ ପୁଲିସ ଆଗରେ କହିଛନ୍ତି, ବି. ଗୁଣାବତୀଙ୍କ ପୁଅଙ୍କ ଲାପଟପରେ କିଛି ଆପତ୍ତିଜନକ ଫଟୋ ଓ ଭିଡିଓ ରହିଥିଲା ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଘରେ ପଶି ଲାପଟପ୍ ଲଚାଇ ଆଣିବାକୁ ଯାଉଥିବା ବେଳେ ଗୁଣାବତୀ ବାଧା ଦେବାରୁ ତାଙ୍କୁ କରିଥିବା ସ୍ୱୀକାର କରିଛନ୍ତି । ପୂରା ଘଟଣାର ରି-କ୍ରିଏସନ୍ କରଯାଇଛି । ପୁଲିସ କହିଛି, ମୃତ ମହିଳାଙ୍କ ପୁଅ ପୂର୍ବରୁ ଯେଉଁ ଝିଅକୁ ଭଲ ପାଉଥିଲେ, ତାଙ୍କର କିଛି ଭିଡିଓ ଲାପଟପ୍ରେ ଥିଲା । ସଂପୃକ୍ତ ଝିଅ ଅନ୍ୟତ୍ର ବିବାହ କରିବା ପରେ ବ୍ଲାକମେଲ୍ ଭଳି ସ୍ଥିତି ସୃଷ୍ଟି ହୋଇଥିଲା । ଲାପଟପକୁ ଚୋରାଇ ଆଣିବା ପାଇଁ ଝିଅର ବାପା, ଏହି ଦୁଇ ଅଭିଯୁକ୍ତକୁ ଦାୟିତ୍ୱ ଦେଇଥିବା କୁହାଯାଉଛି । ତେବେ ପ୍ରକୃତରେ ସତ କଣ, ଏଥିରେ ଆଉ କେଉଁମାନେ ଏଥିରେ ସଂପୃକ୍ତ ଅଛନ୍ତି, ଖୁବଶୀଘ୍ର ଶୀଘ୍ର ଜଣାପଡିବ ବୋଲି କହିଛନ୍ତି କଟକ ଡିସିପି ପିନାକ ମିଶ୍ର ।