ଭାରତୀୟ ରେଳବାଇରେ ଆସିବ ୨ଲକ୍ଷରୁ ଅଧିକ ପଦବୀ ପାଇଁ ନିଯୁକ୍ତି ସୁଯୋଗ, ପିୟୁଷ ଗୋଏଲ କଲେ ଘୋଷଣା
ଗତ ଦିନମାନଙ୍କରେ ଏନଏସଏସଓର ଲିକ୍ ରିପୋର୍ଟ ପରେ କେନ୍ଦ୍ର ସରକାରଙ୍କ ଉପରେ ରୋଜଗାର ସୃଷ୍ଟି କରିବା ଉପରେ ପ୍ରଶ୍ନ ଉଠୁଛି । ଏବଂ ଏହା ମଧ୍ୟରେ ରେଳମନ୍ତ୍ରୀ ରେଳବାଇରେ ଲକ୍ଷ ଲକ୍ଷ ନିଯୁକ୍ତି ସୁଯୋଗ ଘୋଷଣା କରିଛନ୍ତି । କେନ୍ଦ୍ରମନ୍ତ୍ରୀ ପିୟୁଷ ଗୋଏଲ ଏକ ସାକ୍ଷାତକାରରେ କହିଛନ୍ତି କି, ଭାରତୀୟ ରେଳବାଇରେ ଅତିରିକ୍ତ ପଦକୁ ଭର୍ତ୍ତି କରିବା ପାଇଁ ଅତିଶୀଘ୍ର ୨.୨ ଲକ୍ଷ କର୍ମୀଙ୍କୁ ନିଯୁକ୍ତି ଦିଆଯିବ । ଭାରତୀୟ ରେଳବାଇରେ ପ୍ରଥମରୁ ହିଁ ୧.୫ ଲକ୍ଷ କର୍ମୀଙ୍କ ନିଯୁକ୍ତି ପ୍ରକ୍ରିୟା ଚାଲୁଛି, ଯାହା ଆସନ୍ତା ୮-୯ ମାସରେ ପୁରା ହୋଇଯିବ ।
Kanak News is now on WhatsApp
Join and get latest news updates delivered to you via WhatsApp
ପିୟୁଷ ଗୋଏଲ ଏହା ବି କହିଛନ୍ତି କି, ଏଥିରେ ସରାକର ପ୍ରଥମ ଥର ଉଚ୍ଚ ଜାତିର ଆର୍ଥିକ ରୂପେ ପଛୁଆ ବର୍ଗଙ୍କ ପାଇଁ ୧୦% କୋଟା ଲାଗୁ କରିବ । ଏହି ବିଧେୟକ ଗତ ମାସ ସଂସଦରେ ପାରିତ ହୋଇଥିଲା । ରାଷ୍ଟ୍ରପତି ରାମନାଥ କୋବିନ୍ଦ ମଧ୍ୟ ସାମ୍ବିଧାନିକ ବ୍ୟବସ୍ଥାକୁ ପ୍ରଥମେ ସ୍ୱୀକୃତିି ଦେଇଛନ୍ତି । ସରକାର ରେଳବାଇ କର୍ମୀଙ୍କ ନିଯୁକ୍ତି ପାଇଁ ସଂପୂର୍ଣ୍ଣ ରୂପେ କମ୍ପ୍ୟୁଟରୀକୃତ ପ୍ରକ୍ରିୟାର ପାଳନ କରିବ, ଯାହା ପ୍ରଣାଳୀରେ ପାରଦର୍ଶିତା ସୁନିଶ୍ଚିତ କରିବ ।