ଗଣେଶ ପୂଜା ଅବସରରେ ରିଲିଜ୍ ହେଲା ବହୁପ୍ରତିକ୍ଷିତ ଫିଲ୍ମ ୨.୦ ର ଟ୍ରେଲର୍! ଭିନ୍ନ ଚରିତ୍ରରେ ନଜର ଆସଛନ୍ତି ଅକ୍ଷୟ କୁମାର ।
ସାଉଥ ସୁପରଷ୍ଟାର ରଜନୀକାନ୍ତ ପୁଣିଥରେ ଚିଟି ଭୂମିକାର ଝମାକା କରିବା ପାଇଁ ପରଦାକୁ ଆସୁଛନ୍ତି । ଶେଷରେ ରଜନୀକାନ୍ତ ଏବଂ ଅକ୍ଷୟ କୁମାରଙ୍କ ବହୁ ପ୍ରତିକ୍ଷିତ ଫିଲ୍ମ ‘୨.୦’ର ଟିଜର ରିଲିଜ ହୋଇଛି । ୨୦୧୦ରେ ରିଲିଜ ହୋଇଥିବା ଫିଲ୍ମ ରୋବର୍ଟର ଏହା ଦ୍ୱିତୀୟ ପାର୍ଟ । ଗଣେଷ ଚତୁର୍ଥୀ ଅବସରରେ ସକାଳ ୯ଟାରେ ଏହାର ଟିଜରକୁ ରିଲିଜ କରାଯାଇଛି । ଫିଲ୍ମରେ ସୁପରଷ୍ଟାର ରଜନୀକାନ୍ତ ଲିଡ ରୋଲରେ ଅଛନ୍ତି ସତ କିନ୍ତୁ ଫିଲ୍ମରେ ଖଳନାୟକ ଭୂମିକାରେ ନଜର ଆସିଥିବା ବଲିଉଡ ଅଭିନେତା ଅକ୍ଷୟ କୁମାର ଆକର୍ଷଣର କେନ୍ଦ୍ର ପାଲଟିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୧ ମିନିଟ ୩୧ ସେକେଣ୍ଟର ଏହି ଭିଡିଓ ଏବେ ଇଣ୍ଟରନେଟରେ ଛାଇ ରହିଛି । ଟିଜର ରିଲିଜ ହେବାର ମାତ୍ର ଏକ ଘଣ୍ଟା ଭିତରେ ଭିଡିଓକୁ ୪ ଲକ୍ଷରୁ ଅଧିକ ଭ୍ୟୁଜ ମିଳିସାରିଛି । ଫିଲ୍ମରେ ଅକ୍ଷୟ ଏବଂ ରଜନୀକାନ୍ତଙ୍କ ବ୍ୟତିତ ଆମି ଜ୍ୟାକସନ ମଧ୍ୟ ନଜର ଆସିବେ । ଏସ. ଶଙ୍କରଙ୍କ ନିର୍ଦ୍ଦେଶନାରେ ନିର୍ମିତ ଏହି ଫିଲ୍ମ ୨୯ ନଭେମ୍ବରରେ ରିଲିଜ ହେବ ।