ଏବେ ସାଧାରଣ ଲୋକ ବି ବୁଲିପାରିବେ ସିଆଚିନ୍ ବେସ୍ କ୍ୟାମ୍ପ୍ ! ଜନତାଙ୍କ ପାଇଁ ସିଆଚିନ୍ କ୍ୟାମ୍ପ୍ ଖୋଲିବା ପାଇଁ ଭାରତୀୟ ସେନା କରୁଛି ବିଚାର ।
ଦୁନିଆର ସବୁଠାରୁ ଉଚ୍ଚ ଯୁଦ୍ଧକ୍ଷେତ୍ର ସିଆଚିନ୍ କୁ ଏବେ ସାଧାରଣ ଜନତା ମଧ୍ୟ ଯାଇପାରିବେ । ଶତ୍ରୁଦେଶରୁ ଭାରତକୁ ସୁରକ୍ଷା ଦେବା ପାଇଁ କିଭଳି ଭାରତୀୟ ଯବାନ ହାଡଭଙ୍ଗା ଶୀତକୁ ଖାତିର ନକରି ସିଆଚିନ୍ ସୀମାରେ ଦେଶକୁ ସୁରକ୍ଷା ଦେଉଛନ୍ତି ଏହାର ଅନୁଭବ ଏବେ ସାଧାରଣ ଲୋକ ମଧ୍ୟ କରିପାରିବେ । ସାଧାରଣ ଲୋକଙ୍କ ଭାରତୀୟ ସେନା ପକ୍ଷରୁ ଖୁବଶୀଘ୍ର ସିଆଚିନ୍ ସୀମାର ଦ୍ୱାର ଖୋଲିପାରେ । ସେନା ପ୍ରମୁଖ ବିପିନ୍ ରାୱତ୍ ନିକଟରେ ସିଆଚିନ୍ ଗସ୍ତ ସମୟରେ ଏଭଳି କିଛି ବିଚାର ମୁଣ୍ଡକୁ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁଛୁ ଲଦାଖ୍ ଏବେ କେନ୍ଦ୍ରଶାସିତ ଅଞ୍ଚଳ ତାଲିକାରେ ଆସିଯାଇଛି ଯେଉଁ କାରଣରୁ ଏହା କେନ୍ଦ୍ର ସରକାରଙ୍କ ଅଧିନରେ ମଧ୍ୟ ଆସିଯାଇଛି । ଏଭଳି ନିଷ୍ପତ୍ତି ନେବା ପଛରେ ଭାରତୀୟ ସେନାର ଉଦେ୍ଧଶ୍ୟ ସାଧାରଣ ଲୋକଙ୍କୁ ସେନାର କଷ୍ଟକର ଜୀବନ ସହ ଯୋଡିବା । ସୂତ୍ର ମୁତାବକ , ଭାରତୀୟ ସେନାମୁଖ୍ୟଙ୍କ କହିବାନୁସାରେ , ସାଧାରଣ ଲୋକ ସେନାର ଜୀବନଶୈଳୀ ବିଷୟରେ ଜାଣିବାକୁ ଇଚ୍ଛୁକ ଅଛନ୍ତିି ।