ଏବେ ଟପ୍ କଲେଜରେ ନାମଲେଖା ପାଇଁ ଆଉ ହନ୍ତସନ୍ତ ହେବେନି ମେଧାବୀ ଛାତ୍ରଛାତ୍ରୀ ! ହଟିବ କଟ୍ ଅଫ୍ ବ୍ୟବସ୍ଥା , ସାଧାରଣ ପରୀକ୍ଷା ଦେଇ କଲେଜରେ ନାମଲେଖାଇବେ ଛାତ୍ରଛାତ୍ରୀ ।
ଏବେ କଲେଜରେ ଆଡମିଶନ୍ କରିବାକୁ ହେଲେ ଆଉ କଟ୍ ଅଫ୍ ଭରସାରେ ରହିବେନି ଛାତ୍ରଛାତ୍ରୀ । ଯୁକ୍ତ ୨ ପରେ ପିଲାମାନଙ୍କୁ ଆଉ ଏ କଲେଜରୁ ସେ କଲେଜକୁ ମଧ୍ୟ ଦୌଡିବାକୁ ପଡିବ ନାହିଁ । କାରଣ ଦେଶର ସବୁ ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟରେ ଆଡମିଶନ୍ ପାଇଁ ସାଧାରଣ ପରୀକ୍ଷା (କମନ୍ ଟେଷ୍ଟ୍) ର ସୁବିଧା ହୋଇପାରେ । ସୂତ୍ର ଅନୁସାରେ , ମାନବ ସଂସାଧନ ବିକାଶ ମନ୍ତ୍ରାଳୟ ଖୁବଶୀଘ୍ର ଏଭଳି ପ୍ରସ୍ତାବ ଆଣିବାକୁ ଯାଉଛନ୍ତି । ତେବେ ଏନେଇ କାଗଜପତ୍ରରେ ସବୁଜ ସଂକେତ ମିଳିଯାଇଥିଲେ ମଧ୍ୟ ଅଫିସିଆଲି କୌଣସି ଘୋଷଣା କରାଯାଇନାହିଁ । ଏକ ଖବରକାଗଜ ମୁୁତାବକ , ଏଚଆରଡି ବିଭାଗର ପ୍ରସ୍ତାବ ଅନୁସାରେ ନ୍ୟାସନାଲ୍ ଟେଷ୍ଟିଙ୍ଗ୍ ଏଜେନ୍ସୀ (NTA) ଏହି ସାଧାରଣ ପରୀକ୍ଷା ଆୟୋଜନ କରିବ । ଏନଟିଏ ନେଟ୍ ଏବଂ ଜେଆରଏଫ୍ ପରୀକ୍ଷା ମଧ୍ୟ ଆୟୋଜନ କରୁଛି । ଏବେ ଏହି ପ୍ରସ୍ତାବ ଉପରେ ଏକ ହାଇ ଲେବଲ୍ କମିଟି କାମ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଏଥିରେ କ’ଣ ହେବ ଲାଭ?
କମନ୍ ଟେଷ୍ଟ୍ ହେବା ଦ୍ୱାରା ବୋର୍ଡରେ ଅଧିକ ନମ୍ବର ପାଇବା ପାଇଁ ଛାତ୍ରଛାତ୍ରୀଙ୍କୁ ଆଉ ଅନ୍ଧ ଭଳି ପ୍ରତିଯୋଗିତା କରିବାକୁ ପଡିବ ନାହିଁ । ନିକଟରେ ୯୯ % ରୁ ଅଧିକ ନମ୍ବର ଆଣିବାର ପ୍ରଶ୍ନ ଉଠିଥିଲା । ସରକାର ମଧ୍ୟ ସଂସଦରେ ଏନେଇ ଚିନ୍ତାବ୍ୟକ୍ତ କରିଥିଲେ । ଏହାଦ୍ୱାରା ଟପ୍ କଲେଜର କଟ୍-ଅଫ୍ ଏତେ ଅଧିକ ହୋଇଯାଏ ଯେ ଅନେକ ମେଧାବୀ ଛାତ୍ରଛାତ୍ରୀ ଆଡମିଶନ୍ କରିବାରେ ପଛକୁ ରହିଯାନ୍ତି ।
କିଭଳି ହେବ କମନ୍ ଟେଷ୍ଟ ?
ନୂଆ ପ୍ରସ୍ତାବ ଅନୁସାରେ , କମନ୍ ଟେଷ୍ଟ ଆଧାରରେ ଛାତ୍ରଛାତ୍ରୀଙ୍କ ତାଲିକା ଜାରି କରାଯିବ । କଲେଜ ନିଜ ଆବଶ୍ୟକତା ଅନୁସାରେ ଛାତ୍ରଛାତ୍ରୀଙ୍କୁ ଆଡମିଶନ୍ ଦେଇପାରିବେ ।
ଶିକ୍ଷା ଲୋନ୍ କୁ ବି ନେଇ ହୋଇପାରେ ବଡ଼ ଘୋଷଣା :
ଏହାସହ ମାନବ ସଂସାଧନ ବିକାଶ ମନ୍ତ୍ରାଳୟ ଶିକ୍ଷା ଲୋନ୍ ନେଉଥିବା ଲୋକଙ୍କ ୁ ମଧ୍ୟ ଆରାମ୍ ଦେଇପାରେ । ସରକାର ଏହି ଲୋନ୍ ପାଇଁ କିସ୍ତି ପଇଠ କରିବା ସମୟକୁ ପରିବର୍ତ୍ତନ କରିପାରେ । ସୂତ୍ର ଅନୁସାରେ , ଏବେ ଚାକିରୀ ମିଳିବା ପରେ ହିଁ ଶିକ୍ଷା ଲୋନ୍ କିସ୍ତି ପଇଠ କରିବା ସମୟ ଆରମ୍ଭ ହେବ ।