ବିବାହ କରିବାକୁ ଯାଉଛନ୍ତି ଓଡିଶାର ପ୍ରଥମ ଟ୍ରାନ୍ସଜେଣ୍ଡର ସରକାରୀ କର୍ମଚାରୀ ! ୨ ବର୍ଷ ଧରି ପାର୍ଟନରଙ୍କ ସହ ଲିଭ୍ ଇନରେ ରହୁଥିଲେ ।
ଓଡିଶାର ପ୍ରଥମ ଟ୍ରାନ୍ସଜେଣ୍ଡର ସରକାରୀ କର୍ମଚାରୀ ନିଜ ଲିଭ୍ ଇନ୍ ପାର୍ଟନରଙ୍କ ସହ ବିବାହ କରିବାକୁ ଯାଉଛନ୍ତି । ସୁପ୍ରିମକୋର୍ଟର ଐତିହାସିକ ନିଷ୍ପତି ପରେ ଦୁହିଁଙ୍କ ବିବାହ ମାର୍ଗରେ କୌଣସି ବାଧା ସୃଷ୍ଟି ହେବ ନାହିଁ । ଧାରା ୩୭୭ ଅନ୍ତର୍ଗତ ୧୮ ବର୍ଷରୁ ଉଦ୍ଧ୍ୱର୍ ସମଲିଙ୍ଗୀ ନିଜ ଇଚ୍ଛାନୁସାର ବିବାହ କରିପାରିବେ,ସମଲିଙ୍ଗୀ ସମ୍ବନ୍ଧକୁ ଅପରାଧ ଶ୍ରେଣୀରେ ଅଣାଯିବନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏହାର ସବୁଠାରୁ ଅଧିକ ଫାଇଦା ସେହି ଲୋକମାନଙ୍କୁ ମିଳିବ ଯେଉଁମାନେ ପ୍ରେମ ପାଇଁ ଅପରାଧି ଭଳି ଜୀବନ ଜିଉଁଥିଲେ । ତେବେ ଏଥି ମଧ୍ୟରେ ନିଜ ପ୍ରେମର ଗାଡିକୁ ଆଗକୁ ବଢାଇବା ପାଇଁ ଓଡିଶାର ପ୍ରଥମ ଟ୍ରାନ୍ସଜେଣ୍ଡର ସରକାରୀ ଅଫିସର ଐଶ୍ୱର୍ଯ୍ୟା ଋତୁପର୍ଣ୍ଣା ପ୍ରଧାନ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି । ସେ କହିଛନ୍ତି,ସୁପ୍ରିମକୋର୍ଟ ଏହି ନିଷ୍ପତି ପରେ ସେ ନିଜକୁ ସ୍ୱାଧୀନ ହେଲା ପରି ମନେ କରୁଛନ୍ତି । ୩୪ ବର୍ଷୀୟା ଐଶ୍ୱର୍ଯ୍ୟା ଓଡିଶା ପାରାଦ୍ୱୀପରେ ଫାଇନାନ୍ସ ସର୍ଭିସ୍ ଅଧିକାରୀ ଅଟନ୍ତି । ଓଡିଶାର ପ୍ରଥମ ଟ୍ରାନ୍ସଜେଣ୍ଡର ସରକାରୀ ଅଫିସର ରୁପେ ସେ ଚର୍ଚ୍ଚାର ପରିସରକୁ ଆସିଥିଲେ ।
୨୦୧୪ ମସିହାରେ ସୁପ୍ରିମକୋର୍ଟ ଯେତେବେଳେ ତୃତୀୟ ଲିଙ୍ଗୀଙ୍କୁ ସମାଜରେ ସମାନ ପରିଚୟ ପ୍ରଦାନ କରିଥିଲେ ସେତେବେଳେ ସେ ନିଜକୁ ପୁରୁଷରୁ ତୃତୀୟ ଲିଙ୍ଗୀ ରୂପେ ଘୋଷଣା କରିଥିଲେ । ଏହାପରେ ଓଡିଶା ସରକାର ନୋଟିଫିକେସନ୍ ଜାରି କରି ତାଙ୍କ ପରିଚୟକୁ ମାନ୍ୟତା ପ୍ରଦାନ କରିଥିଲେ । ଐଶ୍ୱର୍ଯ୍ୟାଙ୍କ କହିବାନୁସାରେ ସେ ନିଜ ପାର୍ଟନରଙ୍କ ସହ ୨ ବର୍ଷ ଧରି ଲିଭଇନରେ ରହି ଆସୁଛନ୍ତି ଏବଂ ଖୁବଶୀଘ୍ର ବିବାହ କରିବାକୁ ଯାଉଛନ୍ତି । ଯଦି ସରକାର ଆଦେଶ ଦେବେ ତେବେ ଆମେ ଗୋଟିଲ ଛୁଆ ଆଡପ୍ଟ କରିବାକୁ ମଧ୍ୟ ଚାହିଁବୁ ।