ବିପର୍ଯ୍ୟୟ ଆଣିପାରେ ବିପତ୍ତି । କେଉଁଠି ସ୍ଥଳଭାଗ ଛୁଇଁବ ଏଯାଏଁ ମିଳିନି ସୂଚନା, ବାତ୍ୟା ପ୍ରଭାବରେ ୧୯୫ କି.ମି ବେଗରେ ବହିପାରେ ପବନ ।
କନକ ବ୍ୟୁରୋ : ବିପର୍ଯ୍ୟୟ ଆଣିପାରେ ବିପତ୍ତି । ଅତି ଭୀଷଣ ସାମୁଦ୍ରିକ ଝଡ଼ ବିପର୍ଯ୍ୟୟ ମଧ୍ୟ ପୂର୍ବ ଆରବ ସାଗରେ ବର୍ତମାନ ଘଂଟାପ୍ରତି ୫ କିଲୋମିଟର ବେଗରେ ସ୍ଥଳଭାଗ ମୁର୍ହାଁ ହେଉଛି । ଏହା ବର୍ତମାନ ଉତର ଦିଗରେ ଗତି କରୁଛି । ମୁମ୍ବାଇଠାରୁ ପଶ୍ଚିମ ଓ ଦକ୍ଷିଣ-ପଶ୍ଚିମ ଦିଗରେ ୬୦୦ କିଲୋମିଟରେ ଦୂରରେ ରହିଛି ବିପର୍ଯ୍ୟୟ । ସେହିପରି ଗୁଜରାଟର ପୋରବନ୍ଦର ଠାରୁ ଦକ୍ଷିଣ ଓ ଦକ୍ଷିଣ ପଶ୍ଚିମଠାରୁ ୫୮୦ କିଲୋମିଟର ଦୂରରେ ରହିଥିବାବେଳେ ପାକିସ୍ତାନର କରାଚୀଠାରୁ ୮୯୦ କିଲୋମିଟର ଦକ୍ଷିଣରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ପାଣିପାଗ ବିଭାଗର ଆକଳନ ଅନୁଯାୟୀ ଆସନ୍ତା ୧୨ଘଂଟା ମଧ୍ୟରେ ଅତ୍ୟନ୍ତ ଭୀଷଣ ସାମୁଦ୍ରିକ ଝଡ଼ ରୂପ ନେବାର ସମ୍ଭାବନା ରହିଛି । ପରେ ଏହା ଉତ୍ତର ଓ ପୂର୍ବଉତ୍ତର ଦିଗରେ ଗତି କରିପାରେ ଓ ପରବର୍ତ୍ତୀ ୩ଦିନ ଉତ୍ତର ଓ ପଶ୍ଚିମ ଉତ୍ତର ଦିଗରେ ଗତି କରିବାର ସମ୍ଭାବନା ରହିଛି । ପରେ ଏହା ପାକିସ୍ତାନ ମୁହାଁ ହୋଇପାରେ ବୋଲି ଆକଳନ କରାଯାଉଛି । ତେବେ କେଉଁଠାରେ ବାତ୍ୟା ସ୍ଥଳଭାଗ ଛୁଇଁବ ସେ ବିଷୟରେ ଆଇଏମଡି କୌଣସି ସୂଚନା ଦେଇନି ।
ଅତ୍ୟନ୍ତ ଭୀଷଣ ସାମୁଦ୍ରିକ ଝଡରେ ରୂପ ନେବା ପରେ ଏହି ବାତ୍ୟା ପ୍ରଭାବରେ ପବନର ଘଣ୍ଟା ପ୍ରତି ଗତି ୧୬୫ରୁ ୧୭୫କିଲୋମିଟର ଓ ସ୍ଥଳ ବିଶେଷରେ ୧୯୫ କିଲୋମିଟର ଛୁଇଁପାରେ । ସୌରାଷ୍ଟ୍ର ଓ କଛ ଉପକୂଳରେ ବାତ୍ୟା ବିପର୍ଯ୍ୟୟ ପ୍ରଭାବରେ ୫୦ରୁ ୬୦ କିଲୋମିଟର ଓ ଝଟକା ପବନର ବେଗ ୭୦ କିଲୋମିଟର ପର୍ଯ୍ୟନ୍ତ ଯାଇପାରେ ବୋଲି ଆଇଏମଡି ଆକଳନ କରିଛି । ସମୁଦ୍ର ଅଶାନ୍ତ ରହୁଥିବାରୁ ମତ୍ସ୍ୟଜୀବୀଙ୍କୁ ସମୁଦ୍ରକୁ ବାରଣ କରାଯାଇଛି ଓ ସମୁଦ୍ରରେ ଥିବା ମତ୍ସ୍ୟଜୀବୀଙ୍କୁ ଫେରିବା ପାଇଁ ସତର୍କ ସୂଚନା ଜାରି କରାଯାଇଛି ।