କନକ ବ୍ୟୁରୋ : ଯୁଦ୍ଧର ଘନଘଟା ଭିତରେ ୟୁକ୍ରେନ ଛାଡିଛନ୍ତି ୧୮ ହଜାର ଭାରତୀୟ । ବୈଦେଶିକ ମନ୍ତ୍ରାଳୟର ସୂଚନା ଅନୁଯାୟୀ, ଅପରେସନ ଗଙ୍ଗାରେ ୬ ହଜାର ୪ ଶହ ଭାରତୀୟ ନାଗରିକ ଉଦ୍ଧାର ହୋଇ ଭାରତ ପହଞ୍ଚିଛନ୍ତି । ବାକି ଲୋକମାନେ ଅନ୍ୟ ଦେଶରେ ଏବେ ରହିଥିବା ସୂଚନା ରହିଛି । ଆଜି ବାୟୁସେନାର ସ୍ୱତନ୍ତ୍ର ବିମାନ ଜରିଆରେ ୩୭୨୬ ଜଣ ଭାରତୀୟ ଭାରତ ଫେରିବେ ।
Kanak News is now on WhatsApp
Join and get latest news updates delivered to you via WhatsApp
ଅପରେସନ ଗଙ୍ଗା ଜରିଆରେ ବାୟୁସେନାର ସ୍ୱତନ୍ତ୍ର ବିମାନ ଏବଂ ବିଭିନ୍ନ ବିମାନ ଗୁଡିକୁ ଉଦ୍ଧାର କାର୍ଯ୍ୟରେ ନିୟୋଜିତ କରାଯାଇଛି । ବୁକାରେଷ୍ଟ ୮ ଟି, ସୁକିଏଭା ୨ ଟି, କୋସିସ ରୁ ଗୋଟିଏ, ବୁଡାପେଷ୍ଟ ରୁ ୫ ଟି ଓ ରେଜେସ ଜୋ ରୁ ୩ ବିମାନ ଜରିଆରେ ଭାରତୀୟଙ୍କୁ ନେଇ ବାୟୁସେନା ବିମାନ ଉଡାଣ ଭରିବ । ଏବେ ପର୍ଯ୍ୟନ୍ତ ୬ ହଜାର ୪ ଶହରୁ ଅଧିକ ଭାରତୀୟଙ୍କୁ ଉଦ୍ଧାର କରାଯାଇଥିବା ବୈଦେଶିକ ମନ୍ତ୍ରାଳୟ ମୁଖପାତ୍ର ଅରିନ୍ଦମ ବାଗଚି ସୂଚନା ଦେଇଛନ୍ତି ।