୬୦ ଫୁଟ୍ ଗଭୀର ବୋରୱେଲରେ ୫୦ ଘଣ୍ଟା । ଜାଣନ୍ତୁ ୧୮ ମାସ ଶିଶୁକୁ ମୃତ୍ୟୁର ଗୁମ୍ଫାରୁ କେମିତି କରାଗଲା ଉଦ୍ଧାର ।
ଦୀର୍ଘ ୫୦ ଘଣ୍ଟା ପରେ ଶେଷରେ ହରିଆଣାର ହିସାର ଜିଲ୍ଲାର ଏକ ବୋରୱେଲରେ ଖସି ପଡ଼ିଥିବା ୧୮ ମାସର ଶିଶୁକୁ ଶୁକ୍ରବାର ସଂଧ୍ୟାରେ ବାହାର କରାଯାଇଛି । ଶିଶୁଟିକୁ ଉଦ୍ଧାର କରାଯାଇ ଚିକିତ୍ସା ପାଇଁ ଡାକ୍ତରଖାନାକୁ ପଠାଯାଇଛି । ଶିଶୁଟିର ଅବସ୍ଥା ଭଲ ଥିବା ସୂଚନା ରହିଛି । ହରିଆଣାର ହିସାର ଜିଲ୍ଲା ସ୍ଥିତ ବଲସମନ୍ଦ ଗ୍ରାମର ନଦିମ ଖାନ ବୁଧବାର ସଂଧ୍ୟାରେ ଖେଳୁଥିବା ବେଳେ ବୋରୱେଲ୍ ଭିତରକୁ ଖସି ପଡ଼ିଥିଲା । ଶିଶୁଟି ବୋରୱେଲରେ ଖସି ପଡ଼ିବା ପରେ ପାଖରେ ଥିବା ଲୋକ ଚିତ୍କାର କରିବାରୁ ଲୋକେ ରୁଣ୍ଡ ହୋଇ ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଖବର ପାଇ ଉଦ୍ଧାରକାରୀ ଦଳ ଆସି ବୋରୱେଲ୍ ଭିରତକୁ ଅମ୍ଳଜାନ ଥଳି ପକାଇଥିଲେ। ଫଳରେ ଶିଶୁଟିକୁ ନିଶ୍ୱାସ ନେବାରେ କୌଣସି ସମସ୍ୟା ହୋଇନଥିଲା । ଶିଶୁଟିକୁ ବୋରୱେଲ୍ ଭିତରେ ବଞ୍ଚାଇ ରଖିବା ପାଇଁ ବିସ୍କୁଟ ଏବଂ ଫଳ ବି ପଠାଯାଇଥିଲା । ବୋରୱେଲ୍ ଭିତରକୁ ସିସିଟିଭି କ୍ୟାମେରା ପଠାଯାଇ ଶିଶୁଟିର ସ୍ୱାସ୍ଥ୍ୟାବସ୍ଥାକୁ ପର୍ଯ୍ୟବେକ୍ଷଣ କରାଯାଇଥିଲା ମଧ୍ୟ । ଶିଶୁଟିକୁ ଉଦ୍ଧାର କରିବା ପାଇଁ ଭାରତୀୟ ସେନା, ଏନଆରଡିଏଫ୍ କର୍ମଚାରୀ ଓ ସ୍ଥାନୀୟ ସରକାରୀ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଉଦ୍ଧାରକାରୀ ବୋରୱେଲର ମୁହଁକୁ ବଡ଼ କରି ଶିଶୁଟିକୁ ଉଦ୍ଧାର କରିବା ପାଇଁ କାର୍ଯ୍ୟ ଚଳାଇଥିଲେ ବୋଲି ସୂଚନା ମିଳିଥିଲା ।