ଆତଙ୍କବାଦୀ ଭାବି ଆଫଗାନ୍ ପୋଲିସ୍ ଉପରେ ବୋମା ପକାଇଦେଲା ଆମେରିକା ବାୟୁସେନା ! ୧୭ ମୃତ , ୧୪ ଗୁରୁତର ।
ଆମେରିକା ପକ୍ଷରୁ ବହୁତ ବଡ଼ ଭୁଲ୍ ସାମ୍ନାକୁ ଆସିଛି । ଏଠାରେ ହେଲମଣ୍ଡ ପ୍ରାନ୍ତର ତାଲିୱାନ୍ ଆତଙ୍କବାଦୀଙ୍କ ସହ ମୁକାବିଲା କରିବା ପାଇଁ ପହଂଚିଥିବା ଆଫଗାନିସ୍ତାନ ପୋଲିସ୍ ଉପରେ ଆମେରିକା ବୋମା ପକାଇଛି । ଯେଉଁଥିରେ ୧୭ ଜଣ ଆଫଗାନ୍ ପୋଲିସକର୍ମୀଙ୍କ ମୃତ୍ୟୁ ଘଟିଥିବା ବେଳେ ୧୪ ଜଣ ଗୁରୁତର ଆହତ ହୋଇଛନ୍ତି । ଏହା ନାହର-ଏ-ସାରାଜ୍ ଜିଲ୍ଲାରେ ଘଟିଛି । ଆଫଗାନ୍ ସୁରକ୍ଷା ବଳ ଏବଂ ତାଲିୱାନ୍ ଆତଙ୍କବାଦୀଙ୍କ ମଧ୍ୟରେ ଫାୟାରିଙ୍ଗ୍ ପରେ ଆମେରିକା ବାୟୁସେନା ପକ୍ଷରୁ ସାହାଯ୍ୟ ମଗାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସୁଚନାନୁସାରେ ଆମେରିକା ଯେତେବେଳେ ଆଫଗାନକୁ ସାହାଯ୍ୟ ମାଗିଥିଲା ସେତେବେଳେ ପର୍ଯ୍ୟନ୍ତ ହାଇୱେରେ ଆତଙ୍କବାଦୀଙ୍କ ସୁରକ୍ଷା ଚେକ୍ ପୋଷ୍ଟ ପଛରେ ସୁରକ୍ଷା ଦେବା ପାଇଁ ଆଫଗାନ୍ ପୋଲିସଙ୍କୁ ଡକାଯାଇଥିଲା । ଆଫଗାନ୍ ପୋଲିସ ଚେକ୍ ପୋଷ୍ଟରୁ ଆତଙ୍କବାଦୀଙ୍କୁ ଘଉଡାଇବା ପାଇଁ ଚେଷ୍ଟା କରୁଥିବା ସମୟରେ ଆମେରିକା ବାୟୁସେନା ପକ୍ଷରୁ ଆକାଶମାର୍ଗରୁ ଆକ୍ରମଣ ହୋଇଥିଲା । ଏହି ଆକ୍ରମଣରେ କୌଣସି ଆତଙ୍କବାଦୀର କିଛି ହୋଇନଥିବା ବେଳେ ୧୭ ଜଣ ପୋଲିସ୍ କର୍ମୀ ସହିଦ୍ ହୋଇଗଲେ ।