୧୭ସାଂସଦ କରୋନା ପଜିଟିଭ । ମୌସୁମୀ ଅଧିବେଶନର ପ୍ରଥମ ଦିନରେ ପରୀକ୍ଷା ପରେ ମୀନାକ୍ଷି ଲେଖୀ, ଅନନ୍ତ କୁମାର ହେଗଡେ ଓ ପ୍ରବେଶ ସାହିବ ସିଂଙ୍କ ସମେତ ୧୭ଜଣ ସାଂସଦ କରୋନା ସଂକ୍ରମିତ
କନକ ବ୍ୟୁରୋ : ୧୭ସାଂସଦ କରୋନା ପଜିଟିଭ । ମୌସୁମୀ ଅଧିବେଶନର ପ୍ରଥମ ଦିନରେ ପରୀକ୍ଷା ପରେ ସାଂସଦ ମୀନାକ୍ଷି ଲେଖୀ, ଅନନ୍ତ କୁମାର ହେଗଡେ ଓ ପ୍ରବେଶ ସାହିବ ସିଂଙ୍କ ସମେତ ୧୭ଜଣ ସାଂସଦ କରୋନା ସଂକ୍ରମିତ ହୋଇଥିବା ଜଣାପଡିଛି । ଆଜି ଅଧିବେଶନ ଆରମ୍ଭ ହେବା ପୂର୍ବରୁ ସମସ୍ତ ସାଂସଦଙ୍କ ବାଧ୍ୟତାମୁଳକ କରୋନା ପରୀକ୍ଷା କରାଯାଇଥିଲା । ଏହାର ରିପୋର୍ଟ ଆସିଥିବା ବେଳେ ୧୭ଜଣ ସାଂସଦଙ୍କ ରିପୋର୍ଟ ପଜିଟିଭ ଆସିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସଂକ୍ରମିତଙ୍କ ମଧ୍ୟରେ ସର୍ବାଧିକ ବିଜେପିର ୧୨ଜଣ ସାଂସଦ ରହିଥିବା ବେଳେ ୱାଇଏସଆର କଂଗ୍ରେସର ଦୁଇ ଜଣ ସାଂସଦ ପଜିଟିଭ ଅଛନ୍ତି । ସେହିପରି ଶିବସେନା, ଡିଏମକେ ଓ ଆରଏଲପିର ଜଣେ ଲେଖାଏଁ ସାଂସଦ ପଜିଟିଭ ଚିହ୍ନଟ ହୋଇଛନ୍ତି । ଗତକାଲି ଓ ଆଜି ସାଂସଦଙ୍କ କରୋନା ପରୀକ୍ଷା କରାଯାଇଥିଲା । ସେପଟେ ଆଜି ଆରମ୍ଭ ହୋଇଥିବା ସଂସଦ ଅଧିବେସନରେ ସାମାଜିକ ଦୂରତା ନିୟମକୁ କଡାକଡି ପାଳନ କରାଯାଇଥିବା ଦେଖିବାକୁ ମିଳିଛି । ସାଂସଦ ମାନେ ମାସ୍କ ବ୍ୟବହାର କରିବା ସହ ସାମାଜିକ ଦୂରତାକୁ ବଜାୟ ରଖିବାକୁ ଭିଜିଟର୍ସ ଗ୍ୟାଲେରୀରେ ବି ସାଂସଦଙ୍କୁ ବସାଯାଇଛି ।