ଯୁଦ୍ଧଭୂମି ଆଫଗାନିସ୍ତାନରେ ଭୟଙ୍କର ଅନୁଭୂତି ଧରି ଭାରତ ଫେରିଲେ ୧୬୮ ଯାତ୍ରୀ । ଭାରତ ମାତା କି ଜୟ ଧ୍ୱନିରେ କମ୍ପିଲା ବିମାନ ।
କନକ ବ୍ୟୁରୋ : ଯୁଦ୍ଧଭୂମିରେ ପରିଣତ ହୋଇଥିବା ଆଫଗାନିସ୍ତାନରୁ ଭୟଙ୍କର ଅନୁଭୂତି ଧରି ସୁରକ୍ଷିତ ଭାବେ ଭାରତ ଫେରି ଅନୁଭୂତି ବଖାଣିଛନ୍ତି ଭାରତୀୟ ଓ ବିଦେଶୀ ନାଗରିକ । ଆଜି ଭାରତୀୟ ବାୟୁସେନାର ସି-୧୭ ବିମାନ କାବୁଲ ବିମାନବନ୍ଦରରୁ ୧୬୮ ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରି ଭାରତ ଆଣିଛି । ‘ଭାରତ ମାତା କି ଜୟ’ ନାରାରେ ପୂରା କମ୍ପିଥିଲା ବିମାନ । ଗାଜିଆବାଦର ହିଣ୍ଡନ ଏୟାରବେସରେ ବିମାନ ପହଞ୍ଚିବା ପରେ ଆଶ୍ୱସ୍ତିର ନିଶ୍ୱାସ ମାରିଛନ୍ତି ସମସ୍ତ ଯାତ୍ରୀ ।ଆଫଗାନିସ୍ତାନରେ ସାଂସଦ ଥିବା ଜଣେ ଭାରତୀୟ ଜନ୍ମମାଟିରେ ପହଁଚିବା ପରେ କାନ୍ଦି ପକାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
#WATCH | Afghanistan’s MP Narender Singh Khalsa breaks down as he reaches India from Kabul.
“I feel like crying…Everything that was built in the last 20 years is now finished. It’s zero now,” he says. pic.twitter.com/R4Cti5MCMv
— ANI (@ANI) August 22, 2021
ଏ ଅଶ୍ରୁ ହେଉଛି ଖୁସିର ଅଶ୍ରୁ । ଯେତେବେଳେ ଜୀବନ ଚାଲିଯିବାର ଭୟ ଥାଏ , ଏବଂ ଆପଣଙ୍କ ଜୀବନ ବଂଚିଯାଏ, ତେବେ ଯେମିତି ଅନୁଭବ ହେବ, ଏହି ବ୍ୟକ୍ତିଙ୍କ ଠାରେ ଏବେ ସେହି ଅନୁଭୂତି ରହିଛି । ଏ ହେଉଛନ୍ତି ଆଫଗାନିସ୍ତାନର ଜଣେ ସାଂସଦ, ନରେନ୍ଦ୍ର ସିଂ ଖାଲସା । ଭାରତ ଫେରିବା ପରେ ଖୁସିରେ କାନ୍ଦିପକାଇଛନ୍ତି । ଆଉ କହିଛନ୍ତି, ମରଣ ମୁହଁରୁ ବଞ୍ଚିକି ଫେରିଛୁ । ଗତ ୨୦ ବର୍ଷ ମଧ୍ୟରେ ଯାହା ଦେଶ ପାଇଥିଲା ତାହା ବେଶ କେଇଟା ଦିନ ଭିତରେ ହରାଇଲା ।
କାବୁଲରୁ ୧୬୮ ଯାତ୍ରୀଙ୍କୁ ସୁରକ୍ଷିତ ଭାରତୀୟ ବାୟୁସେନାର ସି-୧୭ ବିମାନ ଉଦ୍ଧାର କରି ଭାରତ ଆଣିଛି । ଗାଜିଆବାଦର ହିଣ୍ଡନ ଏୟାରବେସରେ ବିମାନ ପହଂଚିବା ପରେ ଆଶ୍ୱସ୍ତିର ନିଶ୍ୱାସ ମାରିଛନ୍ତି ସମସ୍ତ ଯାତ୍ରୀ । ଏମାନଙ୍କ ମଧ୍ୟରେ ଅଛନ୍ତି ୧୦୭ ଜଣ ଭାରତୀୟ । ଭାରତ ପହଂଚିବା ପରେ ସମସ୍ତଙ୍କ ଆରଟିପିସିଆର ଟେଷ୍ଟ କରାଯାଇଛି ।
#WATCH | 168 passengers, including 107 Indian nationals, arrive at Hindon IAF base in Ghaziabad from Kabul, onboard Indian Air Force’s C-17 aircraft
Passengers are yet to come out of the airport as they will first undergo the #COVID19 RT-PCR test.#Afghanistan pic.twitter.com/x7At7oB8YK
— ANI (@ANI) August 22, 2021
ଆଫଗାନିସ୍ତାନକୁ ତାଲିବାନ କବଜା କରିବା ପରେ ଦେଶ ଛାଡିବାକୁ ହଜାର ହଜାର ଲୋକଙ୍କ ଭିଡ କାବୁଲ ଏୟାରପୋର୍ଟରେ ଜମିଛି । ମଝିରେ ମଝିରେ ତାଲିବାନ ବିମାନ ବନ୍ଦରକୁ ଆସି ଯାଞ୍ଚ କରି ବିଦେଶୀ ନାଗରିକଙ୍କୁ ଛାଡୁଛନ୍ତି । ଏପଟେ ଭାରତ ସରକାର ନିଜ ନାଗରିକଙ୍କୁ ସ୍ୱଦେଶ ଫେରାଇ ଆଣିବା ପାଇଁ ଯଥା ସମ୍ଭବ ଉଦ୍ୟମ କରୁଛନ୍ତି । ପ୍ରତ୍ୟେକ ଦିନ ଦୁଇଟି ବିମାନ କାବୁଲକୁ ଉଡାଣ ପାଇଁ ଭାରତକୁ ଅନୁମତି ମିଳିଛି ।