ଭୁବନେଶ୍ୱରରୁ ପାରଳାଖେମୁଣ୍ଡି ଯାଉଥିବା ‘ଇସ୍ପାତ’ ବସ୍ ଦୁର୍ଘଟଣାଗ୍ରସ୍ତ । ଗଜପତି ମାଲର୍ଭା ଘାଟିରେ ଓଲଟିଲା ବସ୍, ୬ ଗୁରୁତର

696

କନକ ବ୍ୟୁରୋ: ଘାଟିରେ ଓଲଟିଲା ବସ୍ । ଭୁବନେଶ୍ୱରରୁ ପାରଳାଖେମୁଣ୍ଡିକୁ ଯାଉଥିବା ଇସ୍ପାତ ନାମକ ଘରୋଇ ବସ୍ ଗଜପତି ଜିଲ୍ଲା ମାର୍ଲଭା ଘାଟିର ତିତିସିଂ ନିକଟରେ ଓଲଟି ପଡିଛି । ଦୁର୍ଘଟଣାରେ ୬ଜଣ ଗୁରୁତର ଆହତ ହୋଇଛନ୍ତିି । ଆହତମାନଙ୍କୁ ଖଜୁରିପଦା ହସ୍ପିଟାଲରେ ଭର୍ତି କରାଯାଇଛି । ଦୁର୍ଘଟଣାସ୍ଥଳରେ ଖଜୁରିପଦା ପୋଲିସ ପହଁଚି ଗ୍ରାମବାସୀଙ୍କ ସହାୟତାରେ ଆହତମାନଙ୍କୁ ଉଦ୍ଧାର କରିଛି । ଦୁର୍ଘଟଣା ସମୟରେ ବସରେ ୧୫ରୁ ୨୦ ଜଣ ଯାତ୍ରୀ ରହିଥିଲେ ବୋଲି ଜଣାପଡିଛି ।

ସୂଚନା ମୁତାବକ, ଗଜପତି ଜିଲ୍ଲା ସେରଙ୍ଗ ଥାନା ଅନ୍ତର୍ଗତ ମାର୍ଲଭା ଘାଟିର ତିତିସିଂ ନିକଟରେ ଇସ୍ପାତ ନାମକ ଘରୋଇ ବସ ଦୁର୍ଘଟଣାଗ୍ରସ୍ତ ହୋଇଥିବାର ଖବର ମିଳିଛି। ଆଜି ସକାଳ ପ୍ରାୟ ୬ଟା ସମୟରେ ଏହା ଘଟିଥିବା ଜଣାଯାଇଛି। ବସଟି ଭୁବନେଶ୍ବରରୁ ପାରଳାଖେମୁଣ୍ଡି ଅଭିମୁଖେ ଆସୁଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାଯାଇଛି। ଖବର ପାଇଦୁର୍ଘଟଣା ସ୍ଥଳରେ ଖଜୁରିପଦା ପୁଲିସ ପହଞ୍ଚି ଗ୍ରାମବାସୀଙ୍କ ସହାୟତାରେ ଉଦ୍ଧାର କାର୍ଯ୍ୟ କରିଥିବାର ସୂଚନା ମିଳିଛି। ଏହି ଘରୋଇ ବସରେ ପ୍ରାୟ ୧୫ ରୁ ୨୦ ଜଣ ଯାତ୍ରୀ ରହିଥିବା ବେଳେ ୬ ଜଣ ଗୁରୁତରଭାବେ ଆହତ ହୋଇଛନ୍ତି।

ଆଜି ସକାଳେ ଭୁବନେଶ୍ୱରରୁ ପାରଳାଖେମୁଣ୍ଡି ଯାଉଥିବା ଏହି ଘରୋଇ ଯାତ୍ରୀବାହୀ ବସ୍ ହଠାତ୍ ଭାରସାମ୍ୟ ହରାଇଥିବା ଯୋଗୁଁ ଏହି ଦୁର୍ଘଟଣା ଘଟିଥିବା କୁହାଯାଉଛି।ସମସ୍ତଙ୍କୁ ଖଜୁରିପଦା ହସ୍ପିଟାଲରେ ପ୍ରାଥମିକ ଚିକିତ୍ସା କରାଯାଇଥିବା ବେଳେ ସେମାନଙ୍କ ମଧ୍ୟରୁ ୧୦ ଜଣଙ୍କୁ ପାରଳାଖେମୁଣ୍ଡିରେ ଥିବା ଗଜପତି ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିବା ଜଣାଯାଇଛି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

Comments are closed.