ପ୍ଲାଷ୍ଟିକ ବ୍ୟାଗରୁ ମିଳିଲା ୧୪ ଜଣ ନବଜାତକଙ୍କ ମୃତଦେହ । କୋଲକାତାରୁ ଏଭଳି ଏକ ଘଟଣା ସାମ୍ନାକୁ ଆସିଛି ଯାହା ଚାଞ୍ଚଲ୍ୟ ସୃଷ୍ଟି କରିଛି । କୋଲକାତାର ହରଦେବପୁର ଅଞ୍ଚଳରେ ପ୍ଳାଷ୍ଟିକ ବ୍ୟାଗରେ ପଶିଥିବା ୧୪ ଜଣ ଶିଶୁଙ୍କ ମୃତଦେହ ମିଳିଛି । ନିର୍ମାଣ କାର୍ଯ୍ୟ ପାଇଁ ଟିଣ ଦ୍ୱାରା ବନ୍ଦ ଥିବା ସ୍ଥାନରେ ଶ୍ରମିକ ମାନେ ସଫା କରୁଥିବା ବେଳେ ଏହି ନବଜାତକ ଶିଶୁ ମାନଙ୍କର ମୃତଦେହ ଦେଖିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହି ଘଟଣା ସାମ୍ନାକୁ ଆସିବା ପରେ ପୋଲିସ ଖୋଳତାଡ ଆରମ୍ଭ କରିବା ସହ ବିଭିନ୍ନ ଦିଗକୁ ନେଇ ଯାଞ୍ଚ ଆରମ୍ଭ କରିଛି । ଏପରିକି ସ୍ଥାନୀୟ ଅଞ୍ଚଳରେ ଲାଗିଥିବା ସିସିଟିଭିର ଫୁଟେଜକୁ ଆଧାର କରି ତଦନ୍ତ ଆଗକୁ ବଢାଇଛି । ପୁଲିସ ମୁତାବିକ, ହରଦେବପୁର ଥାନା ଅର୍ନ୍ତଗତ ରାଜା ରାମମୋହନ ରୟ ସାରଣୀ ପାଖରେ ଏହି ମୃତଦେହ ଗୁଡିକ ପଡିଥିବାର ଶ୍ରମିକ ମାନେ ଦେଖିଥିଲେ । ସ୍ଥାନୀୟ ଅଞ୍ଚଳର କୌଣସି ଗର୍ଭପାତ ରାକେଟର ଏହା ପଛରେ ହାତ ଥିବା ପୋଲିସ ସନ୍ଦେହ କରୁଛି । ତେବେ ଏସବୁ ଭିତରେ ଖାଲି ପଡିଥିବା ଜମିରେ ନବଜାତ ଶିଶୁଙ୍କ ମୃତଦେହ କିପରି ଆସିଲା ତାହାର ଯାଞ୍ଚ କରୁଛି ପୋଲିସ ।
ସୂଚନା ଅନୁଯାୟୀ, ଏହି ଶିଶୁ ମାନଙ୍କର ମୃତ୍ୟୁ ପଛରେ ଏକ ବଡ ମାମଲା ଲୁଚି ରହିଛି । ଏପରିକି କୌଣସି ସ୍ଥାନରେ ଗର୍ଭପାତ କରାଇ ଏହି ଶିଶୁ ମାନଙ୍କର ମୃତଦେହକୁ ଆଣି ଏଠାରେ ଫିଙ୍ଗି ଦିଆଯାଇଛି ବୋଲି ପୋଲିସ ଅନୁମାନ କରୁଛି । ଦକ୍ଷିଣ କୋଲକାତାରେ ଘଟିଥିବା ଏହି ଚାଞ୍ଚଲ୍ୟକର ଘଟଣା ଉପରେ ଏବେ ପୋଲିସ ନଜର ରଖିଛି ।