ଆସାମ ତିନସୁକିଆ ଜିଲ୍ଲାର ଗ୍ୟାସ ପାଇପଲାଇନରେ ଭୟଙ୍କର ନିଆଁ : ଲିଭାଇବାକୁ ଏନଡିଆରଏଫ ଟିମର କସରତ, ବ୍ୟାପକ କ୍ଷୟକ୍ଷତି ଅନୁମାନ
କନକ ବ୍ୟୁରୋ : ଆସାମ ତିନସୁକିଆ ଜିଲ୍ଲାର ଭୟଙ୍କର ଅଗ୍ନିକାଣ୍ଡ । ଗ୍ୟାସ ପାଇପଲାଇନରେ କୌଣସି କାରଣରୁ ନିଆଁ ଲାଗିବା ପରେ ଏହା ଭୟଙ୍କର ଭାବେ ଜଳିବାରେ ଲାଗିଛି । ଏହାର ପ୍ରଭାବରେ ନିଆଁ ଆଖପାଖ ଅଂଚଳକୁ ମଧ୍ୟ ବ୍ୟାପି ଚାଲିଛି । ତିନିସୁକିଆ ଜିଲ୍ଲାର ବାଘଜାନ୍ ଅଂଚଳରେ ଏହି ଗ୍ୟାସ ଅଗ୍ନିକାଣ୍ଡ ଘଟିଛି । ନିଆଁକୁ ଆୟତ କରିବାକୁ ଏନଡିଆରଏଫ ଟିମ ଏବଂ ରାଜ୍ୟ ବିପର୍ଯ୍ୟୟ ପ୍ରଶମନ ଟିମ୍ ଉଦ୍ୟମ ଜାରି ରଖିଛି । ଏହି ଗ୍ୟାସ ଅଗ୍ନିକାଣ୍ଡ କାରଣରୁ ବ୍ୟାପକ କ୍ଷୟକ୍ଷତି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଅଏଲ୍ ଇଣ୍ଡିଆ ଲିମିଟେଡ୍ର ମୁଖପାତ୍ର ତ୍ରିଦିବ ହଜାରିକାଙ୍କ କହିବାନୁଯାୟୀ, ନିଆଁ ଲିଭାଇ ଅଭିଯାନ ଶେଷ କରାଯିବାକୁ ଆହୁରି ଚାରି ସପ୍ତାହ ଲାଗିବ । ଘଟଣାସ୍ଥଳରେ ଅନ୍ୟୂନ ୧୫ଟି ଦମକଳ ନିଆଁକୁ ଆୟତ୍ତ କରିବାକୁ ଉଦ୍ୟମ ଚଳାଇଛି । ଏହି ଅଗ୍ନିକାଣ୍ଡ ଯୋଗୁଁ ୫୦ଟି ଘର ଓ ଅନେକ ଗଛବୃଚ୍ଛ ପୋଡ଼ିଯିବା ସହ ଜଳଚର ଅଞ୍ଚଳ ନଷ୍ଟ ହୋଇଛି । ସତର୍କତାମୂଳକ ପଦକ୍ଷେପ ସ୍ବରୂପ ଜିଲ୍ଲା ପ୍ରଶାସନ ଆଖପାଖ ଗ୍ରାମଗୁଡ଼ିକରେ ଥିବା ୧, ୬୧୦ ପରିବାରର ପ୍ରାୟ ୩୦୦୦ ଲୋକଙ୍କୁ ରିଲିଫ୍ କ୍ୟାମ୍ପକୁ ସ୍ଥାନାନ୍ତର କରିଛି।