ଦିଲ୍ଲୀର ଦମଦାର ବୋଲିଂ । ପ୍ରଥମ ଇଂନିସରେ ୧୩୪ ରନ୍ କଲା ହାଇଦ୍ରାବାଦ । ଦିଲ୍ଲୀକୁ ବିଜୟ ଲକ୍ଷ୍ୟ ୧୩୫ ।

ନ୍ୟୁଜ୍
By Tusar Samantaray
59

କନକ ବ୍ୟୁରୋ: ହାଇଦ୍ରାବାଦ ବିପକ୍ଷରେ ଦିଲ୍ଲୀର ଦମଦାର ବୋଲିଂ । ଆଜି ମ୍ୟାଚର ପ୍ରଥମ ଇଂନିସରେ ୯ ୱିକେଟ୍ ହରାଇ ୧୩୪ ରନ୍ କରିଛି ସନରାଇଜର୍ସ ହାଇଦ୍ରାବାଦ । ତେବେ ପ୍ରଥମ ଇଂନିସରେ ଦିଲ୍ଲୀର ଦବଦବା ଦେଖିବାକୁ ମିଳିଛି । ଆଉ ଏହି ମ୍ୟାଚକୁ ଜିତିବାକୁ ହେଲେ ଦିଲ୍ଲୀକୁ ବିଜୟ ଲକ୍ଷ୍ୟ ରହିଛି ୧୩୫ ରନ୍ ।

ଆଜି ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ହାଇଦ୍ରାବାଦ । ଦଳ ପାଇଁ ରିଦ୍ଧିମାନ ଶାହା ଓ ଡେଭିଡ୍ ୱାର୍ଣ୍ଣର ଓପନିଂ କରିବାକୁ ଓହ୍ଲାଇଥିଲେ । ହେଲେ ଦଳ ପ୍ରଥମରୁ ହିଁ ୱାର୍ଣ୍ଣରଙ୍କ ୱିକେଟ୍ ହରାଇଥିଲା । ଏହାପରେ କେନ୍ ଓ ଶାହ ପାର୍ଟନରସିପ୍ ଗଢୁଥିଲେ ମଧ୍ୟ ଏହାକୁ ଆଗକୁ ନେଇପାରିନଥିଲେ । ତେବେ ଏଙାପରେ ଲଗାତାର ହାଇଦ୍ରାବାଦର ବ୍ୟାଟ୍ସମ୍ୟାନମାନେ ପ୍ୟାଲିୟନ ମୁହାଁ ହୋଇଥିଲେ ।

ଶେଷ ଆଡକୁ ରସିଦ ଖାନ କିଛି ଦର୍ଶନୀୟ ସର୍ଟ ଖେଳିବାରୁ ଦଳର ସ୍କୋର ଆଗକୁ ବଢିଥିଲା । ସେହିପରି ଅବଦୁଲ ସାମଦ ମଧ୍ୟ କିଛି ଦର୍ଶନୀୟ ସଟ୍ ଖେଳିବା ସହିତ ଦୁଇଟି ଚୌକା ଓ ଗୋଟିଏ ଛକା ମାରିଥିଲେ । ତେବେ ଦିଲ୍ଲୀ ବୋଲରମାନେ ଦମଦାର ବୋଲିଂ କରିଥିଲେ । ଦ୍ରୁତ ବୋଲର କାଗିସୋ ରାବାଡା ୩ଟି ସଫଳତା ପାଇଥିବାବେଳେ, ଅକ୍ଷର ପଟେଲ ଓ ନୋର୍ଟଜେ ୨ଟି ଲେଖାଏଁ ସଫଳତା ପାଇଥିଲେ ।

ସମ୍ବନ୍ଧିତ ଖବର More from author