ରକ୍ତର ଇଦ୍ ପାଳିଲା ପାକିସ୍ତାନ : ନମାଜ ପଢ଼ି ସାରି ଫେରୁଥିବା ଲୋକଙ୍କ ଉପରେ ଆଖିବୁଜା ଗୁଳିବର୍ଷା, ୧୩ ମୃତ

ପାକିସ୍ତାନର ମୁଲତାନ ଜିଲ୍ଲାରେ ବୁଧବାର ଦିନ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ହେବା ଦ୍ୱାରା ୧୩ ଲୋକଙ୍କ ମୃତ୍ୟୁ ହୋଇଯାଇଛି ଓ ଅନେକ ଲୋକ ଆହତ ହୋଇଛନ୍ତି । ସୂଚନା ମୁତାବକ, ଗୋଟିଏ ଗୋଷ୍ଠୀ ଇଦର ନମାଜ ପରେ ମସଜିଦରୁ ବାହାରୁଥିବା ଅନ୍ୟ ସମୁହଙ୍କ ଉପରେ ଆଖିବୁଜା ଗୁଳିବର୍ଷା କଲେ ।

ଏହାପରେ ଉଭୟ ପକ୍ଷରୁ ଗୁଳିବର୍ଷା ହୋଇଥିଲା, ଯେଉଁଥିରେ ୯ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି ଓ ଅନେକ ଆହତ ଅଛନ୍ତି । ଆହତଙ୍କୁ ନିକଟସ୍ଥ ହସପିଟାଲରେ ଭର୍ତ୍ତି କରାଯାଇଛି । ଯେଉଁଠି ୪ଜଣଙ୍କ ମୃତ୍ୟୁ ହୋଇଯାଇଛି । ଲୁଟ କରୁଥିବା ଦୁଇ ସମୁହଙ୍କ ମଧ୍ୟରେ ପୁରୁଣା ଶତ୍ରୁତାକୁ ନେଇ ଏହି ଘଟଣା ଘଟିଥିବା ଜଣାପଡୁଛି । ଯାଂଚ ପାଇଁ ଏହି ଅଂଚଳକୁ ଘେରାଉ କରାଯାଇଛି ।