ସାହସୀ ଅବିନାଶ: ପବନ ହେବାରୁ ଚିଲିକା ଗର୍ଭରେ ଭାରସାମ୍ୟ ହରାଇ ବୁଡି ଯାଉଥିଲା ଡଙ୍ଗା. ଚିଲିକା ଛାତିକୁ ଚିରି ମା’ ଓ ଭାଇକୁ ମରଣ ମୁହଁରୁ ବଞ୍ଚାଇ ଆଣିଲା ୧୨ ବର୍ଷର ବାଳକ ।

4,662

କନକ ବ୍ୟୁରୋ: ଆଖି ପାଉନଥିବା ଚିଲିକା ଗର୍ଭ ଆଉ କାଳରୂପ ଧାରଣ କରିଥିବା କଳାଗୁମର ପାଣିରେ ରବିବାର ସନ୍ଧ୍ୟାରେ ଯେଉଁ ଡଙ୍ଗା ବୁଡିଥିଲା ସେଥିରେ ଥିଲା ୧୨ ବର୍ଷର ଅବିନାଶ ଭୁଜବଳ । ନିଜ ଆଖି ସାମ୍ନାରେ ମା ଓ ଭାଇ ବୁଡିଯାଉଥିବା ଦେଖି ୧୨ ବର୍ଷୀୟ ଅବିନାଶ ହାର ନମାନି ପାଣିର ଛାତି ଚିରି ଯେଉଁ ସାହାସ ଦେଖାଇଥିଲା । ତାହାକୁ ନେଇ ଅବିନାଶକୁ ଚାରିଆଡୁ ଛୁଟୁଛି ପ୍ରଶଂସାର ସୁଅ ।

ଘଟଣାଟି ଏପରି ଥିଲାକି, ରବିବାର ସନ୍ଧ୍ୟାରେ କାଳିଜାଇରୁ ଫେରିବା ବାଟରେ ୨୭ ଜଣ ଯାତ୍ରୀଙ୍କୁ ନେଇ ଫେରୁଥିଲା । ହଠାତ୍ ପବନ ହେବାରୁ ଡଙ୍ଗାଟି ଭାରସାମ୍ୟ ହରାଇ ପଡିଥିଲା । ଆଉ ଡଙ୍ଗା ଭିତରେ ପାଣି ପଶିବାରେ ଲାଗିଥିଲା । ଜୀବନ ବିକଳରେ ସମସ୍ତେ ନିଜ ନିଜ ବଂଚାଇବାକୁ ଲାଗିପଡିଥିଲେ । ପାଣିରେ ଭାସୁଥିବା ସାମାନ୍ୟ ଏକ ବାଉଁଶ ସାହାଯ୍ୟରେ ନଦୀରୁ ନିଜ ମା ଓ ଭାଇଙ୍କ ଜୀବନ ବଞ୍ଚାଇଛି । ଏପରିକି ପହଁରା ଜାଣିନଥିବା ଆଉ ୨ ଜଣଙ୍କୁ ମଧ୍ୟ ବାଉଁଶ ସାହାଯ୍ୟରେ ବଂଚାଇପାରିଛି ଏହି ୧୨ ବର୍ଷର ବାଳକ ।

ସେପଟେ ଅନ୍ୟଯାତ୍ରୀମାନଙ୍କୁ ଦେବଦୂତ ସାଜି ଯାତ୍ରୀଙ୍କୁ ଉଦ୍ଧାର କରିଥିଲେ କିଛି ମତ୍ସ୍ୟଜୀବୀ । ତେବେ ସମସ୍ତଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ବେଳେ ବିନା ଲାଇସେନ୍ସ ପ୍ରାପ୍ତ ଡଙ୍ଗା ଗୁଡିକ ଉପରେ କଡା ନଜର ରଖିଛି ଜିଲ୍ଲାପ୍ରଶାସନ । ତେବେ ପୂର୍ବରୁ ମଧ୍ୟ ଅନେକଥର ଡଙ୍ଗାବୁଡ଼ି ଘଟଣା ଚିଲିକାରୁ ଆସିଛି ହେଲେ କାହିଁକି ବଡ଼ ବିପଦ ପୂର୍ବରୁ ସତର୍କ ହେଉନାହାନ୍ତି ଜିଲ୍ଲା ପ୍ରଶାସନ? ଏବଂ କ’ଣ ପାଇଁ ବିନା ଲାଇସେନ୍ସପ୍ରାପ୍ତ ଡଙ୍ଗା ଗୁଡ଼ିକ ଯାତ୍ରୀଙ୍କୁ ନେଇ ଚିଲିକା ଭିତରକୁ ଯାଉଛନ୍ତି?

Comments are closed.