ହକି ବିଶ୍ୱକପ : ୧୨ ଜଣ ଖେଳାଳିଙ୍କୁ ନେଇ ଖେଳିଲା ଜାପାନ; କିଭଳି ରେଫରି କି ମ୍ୟାଚ୍ ପରିଚାଳନା ଅଧିକାରୀ ଜାଣି ପାରିଲେନି ଉଠିଲା ପ୍ରଶ୍ନ ?
କନକ ବ୍ୟୁରୋ : ହକି ବିଶ୍ୱକପରେ ୧୨ ଜଣ ଖେଳାଳିଙ୍କୁ ନେଇ ଖେଳିଲା ଜାପାନ । କୋରିଆ ବିପକ୍ଷ ମ୍ୟାଚରେ ଜାପାନ ୧୨ ଜଣ ଖେଳାଳିଙ୍କୁ ଖେଳିଥିବା ଜଣାପଡ଼ିଛି । କିନ୍ତୁ ଏହାକୁ ରେଫରି କିମ୍ବା ଅନ୍ୟ କୌଣସି ମ୍ୟାଚ୍ ପରିଚାଳନା ଅଧିକାରୀ କିଭଳି ଧ୍ୟାନ ଦେଇପାରିନଥିଲେ ତାକୁ ନେଇ ପ୍ରଶ୍ନ ଉଠିଛି । ଖେଳ ଶେଷ ହେବା ପରେ ରେଫରି ଜାପାନ ଦଳର ଅଧିକାରୀଙ୍କ ସହିତ ଆଲୋଚନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହା ଅଜାଣତରେ ହୋଇଯାଇଥିବା ରେଫରିଙ୍କୁ ସଫେଇ ଦିଆଯାଇଛି । ଏଥିପାଇଁ କ୍ଷମା ପ୍ରାର୍ଥନା ମଧ୍ୟ କରିଛନ୍ତି । ପରେ ଘଟଣା ସମ୍ପର୍କରେ କୋରିଆ ଦଳକୁ ଅବଗତ କରାଯାଇଥିଲା । ଯଦିଓ ଏହି ବେଆଇନ୍ କାର୍ଯ୍ୟ ମ୍ୟାଚର ଫଳାଫଳରେ କୌଣସି ପ୍ରଭାବ ପକାଇନଥିଲା, କିନ୍ତୁ ଏଭଳି ଘଟଣା କାହିଁକି ଓ କେଉଁ ପରିସ୍ଥିତିରେ ଘଟିଲା, ତାହାର ତଦନ୍ତ ଏଫଆଇଏଚ ଆରମ୍ଭ କରିଥିବା ଏକ ବିବୃତିରେ ସୂଚନା ଦିଆଯାଇଛି ।