୫ ଘଣ୍ଟାର ପରିଶ୍ରମ ପରେ ଗଛରୁ ଉଦ୍ଧାର ହେଲା ୧୨ଫୁଟର ଅହିରାଜ । ରାସ୍ତା ପାର ହେବାବେଳେ ଗାଡି ଶବ୍ଦ ଶୁଣି ଗଛରେ ଚଢ଼ିଯାଇଥିଲା ସାପ
ଗଛକୁ କାଟି ଉଦ୍ଧାର କଲେ ସ୍ନେକ ହେଲ୍ପଲାଇନ ସଦସ୍ୟ
କନକ ବ୍ୟୁରୋ: ଦୀର୍ଘ ୫ ଘଣ୍ଟାର ପରିଶ୍ରମ ପରେ ଗଛରୁ ଉଦ୍ଧାର ହେଲା ୧୨ ଫୁଟର ଅହିରାଜ ସାପ । ମାଲକାନାଗିରି ଏମପିଭି-୨୩ ସ୍ଥିତ ଏକ ଢାବା ନିକଟରେ ଏକ ଗଛ ଉପରକୁ ସାପଟି ଚଢି ଯାଇଥିବା ବେଳେ ସାପଟିକୁ ଉଦ୍ଧାର କରିବା ପାଇଁ ସ୍ନେକ୍ ହେଲପ୍ ଲାଇନ୍ ସଦସ୍ୟ ନାକେଦମ୍ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁସାରେ, ସାପଟି ୩୨୬ ନମ୍ବର ଜାତୀୟ ରାଜପଥ ଅତିକ୍ରମ କରୁଥିବା ବେଳେ ସେଇ ବାଟ ଦେଇ ଏକ କାର ଯାଉଥିଲା । କାର ଶଦ୍ଧ ଶୁଣି ସାପଟି ଏକ ଗଛ ଉପରକୁ ଚଢିଯାଇଥିଲା । ତେବେ ସାପଟିକୁ ଉଦ୍ଧାର କରିବା ପାଇଁ ସ୍ନେକ୍ ହେଲପ୍ ଲାଇନ୍ ସଦସ୍ୟ ଗଛ ଉପରକୁ ପାଣି ମାଡ଼ କରିଥିଲେ । ତଥାପି ସାପଟି ଗଛରୁ ଓହ୍ଲାଇ ନଥିଲା । ଶେଷରେ ଗଛଟିକୁ କାଟି ସାପକୁ ଉଦ୍ଧାର କରିଥିଲେ ସ୍ନେକ୍ ହେଲପ୍ ଲାଇନ୍ ।
ତେବେ ୧୨ ଫୁଟ ଲମ୍ବର ଅହିରାଜ ସାପଟିକୁ ଦେଖିବା ପାଇଁ ଘଟଣା ସ୍ଥଳରେ ସ୍ଥାନୀୟ ଲୋକଙ୍କୁ ଭିଡ଼ ଜମି ରହିଥିଲା । ଏପରିକି ଭିଡ଼ ନିୟନ୍ତ୍ରଣ କରିବା ପାଇଁ ସ୍ଥାନୀୟ ପୋଲିସର ସହାୟତା ନେବାକୁ ପଡ଼ିଥିଲା । ସାପଟିକୁ ଉଦ୍ଧାର କରି ପ୍ରଥମେ ତାର ସ୍ୱାସ୍ଥ୍ୟ ପରୀକ୍ଷା କରି ଏମଭି-୧୨୬ ଜଙ୍ଗଲରେ ଛାଡ଼ି ଦିଆଯାଇଥିଲା ।