ଆଦିତ୍ୟ ଦାଶ ଆତ୍ମହତ୍ୟାର ପୂର୍ବଦିନରେ ଘଟିଥିଲା କଣ? କନକ ନ୍ୟୁଜରେ ଗୁମର ଖୋଲିଲେ ବିଦ୍ୟାଶ୍ରୀ । ସହଯୋଗୀ ପପୁଙ୍କୁ ଟଙ୍କା ଦେବାକୁ ନେଇ ଖୁବ ମାନସିକ ଚାପରେ ଥିଲେ ଆଦିତ୍ୟ, ସକାଳେ ଖାଇବାକୁ କରିଦେଇଥିଲେ ମନା, ସେପଟେ ସହଯୋଗୀ ବି ରଖିଲେ ବୟାନ ।
କନକ ବ୍ୟୁରୋ: ଓଡିଶାରେ କରୋନା ସଂକ୍ରମଣ ଆଜି ରେକର୍ଡ କରିଛି । ୭୫୫ ଜଣ ପଜିଟିଭ ଆସିଛନ୍ତି । ସେପଟେ ରେକର୍ଡ ସଂଖ୍ୟାରେ ୫୬୫ ଜଣ ମଧ୍ୟ ସୁସ୍ଥ ହୋଇଛନ୍ତି । ଏ ସଂପର୍କୀତ ରିପୋର୍ଟ ଉପରେ ନଜର ପକାଇବା, ହେଲେ ତା ପୂର୍ବରୁ ନଜର ପକାନ୍ତୁ, ସେହି ଆଦିତ୍ୟ ଦାସ ଆତ୍ମହତ୍ୟା ରହସ୍ୟମୟ କାହାଣୀର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ ଉପରେ । ଆଜି ଆମେ ଆପଣଙ୍କୁ କହିବାକୁ ଯାଉଛୁ, ଆତ୍ମହତ୍ୟାର ଠିକ୍ ପୂର୍ବଦିନ କଣ ଘଟିଥିଲା । ଆଦିତ୍ୟ ଖୁବ୍ ମାନସିକ ଚାପରେ ଥିଲେ । ଏପରିକି ସକାଳେ ଖାଇବାକୁ ମନା କରି ଦେଇଥିଲେ । ତାଙ୍କ ମୋବାଇଲ୍କୁ ଏକ ମେସେଜ ଆସିଥିଲା । ଆଉ ସେ ମେସେଜକୁ ପଢିଥିଲେ ତାଙ୍କ ପତ୍ନୀ ।
Kanak News is now on WhatsApp
Join and get latest news updates delivered to you via WhatsApp
ଆତ୍ମହତ୍ୟା ପୂର୍ବ ଦିନର କଥା
ମୋବାଇଲ୍ରେ କ’ଣ ମେସେଜ ଆସିଥିଲା?
ମୋବାଇଲର ହ୍ୱାଟ୍ସ ଆପରେ ପପୁର ମେସେଜ ଥିଲା । ପପୁ ଚାହୁଁଥିଲେ, ଭଉଣୀ ବାହାଘର ପାଇଁ ଆଦିତ୍ୟ ତାଙ୍କୁ ଆଶ୍ରମର ଫଣ୍ଡରୁ ୭୦ ହଜାର ଟଙ୍କା ଦିଅନ୍ତୁ ।
ଏହି ମେସେଜ ଆଦାନ ପ୍ରଦାନ ପରେ ଭାରାକ୍ରାନ୍ତ ହୋଇ ଶୋଇ ପଡିଥିଲେ ଆଦିତ୍ୟ । କିନ୍ତୁ ପରଦିନ ପତ୍ନୀ ପ୍ରଶ୍ନ ଉଠାଇଥିଲେ, କେଉଁଠାରୁ ଆଣି ୭୦ ହଜାର ଟଙ୍କା ଦେବ ।
ବିଦ୍ୟାଶ୍ରୀ ଏହି ପ୍ରଶ୍ନ ଉଠାଇବାର କାରଣ ଥିଲା, ସେ ଥରେ ଆଦିତ୍ୟଙ୍କୁ ୫୦ ହଜାର ଟଙ୍କା ମାଗିଥିଲେ, କିନ୍ତୁ ଆଦିତ୍ୟ କହିଥିଲେ ଆଶ୍ରମ ଫଣ୍ଡରେ ହାତ ମାରିବାର ପ୍ରଶ୍ନ ଉଠୁନାହିଁ । ଲୋକଙ୍କ ଦାନରେ ଏହି ଫଣ୍ଡ କରାଯାଇଥିଲା । ଆଦିତ୍ୟ ଏଥିରୁ ବ୍ୟକ୍ତିଗତ କାରଣ ପାଇଁ କେବେ ଟଙ୍କା ଉଠାଇବାକୁ ଚାହୁଁନଥିଲେ । ଏହି ଟଙ୍କାରେ ଆଶ୍ରମ ପାଇଁ ଏକ ଜମି କିଣିବାକୁ ଚାହୁଁଥିଲେ ଆଦିତ୍ୟ । କିନ୍ତୁ ପପୁ ଏହି ଟଙ୍କାରୁ ୭୦ ହଜାର ଟଙ୍କା ନେବାକୁ ଚାହୁଁଥିଲେ ।
କିନ୍ତୁ ବାହାଘର ବେଳେ ବାଧ୍ୟ ହୋଇ ଆଦିତ୍ୟ ନିଜେ ୫୦ ହଜାର ଟଙ୍କା ଏହି ଫଣ୍ଡରୁ ନେଇଥିଲେ । ଏକଥା କେବଳ ଟ୍ରେଜରର ପପୁ ଜାଣିଥିଲେ । ଆଉ ଏବେ ପପୁକୁ ଟଙ୍କା ନଦେଲେ ନିଜେ ୫୦ ହଜାର ନେବା କଥା ପ୍ରଚାର କରିଦେବେ ବୋଲି ଆଦିତ୍ୟଙ୍କ ମନରେ ଭୟ ଥିଲା । ଏବଂ ଏହା ତାଙ୍କ ମର୍ଯ୍ୟାଦାରେ ଆଂଚ ଆଣିବ ବୋଲି ଦୁଃଖି ହୋଇଯାଇଥିଲେ ।
ଆଉ ଆଦିତ୍ୟଙ୍କ ମନରେ ଏଇ ଭୟ ବି ଥିଲା ଯେ, ପପୁ ଟଙ୍କା ନେଇ ଫେରାଇ ପାରିବେ ନାହିଁ । ପପୁ ଯିଏ କି ଆଶ୍ରମ ଫଣ୍ଡର ଟ୍ରେଜରର । ପପୁଙ୍କ କହିବା କଥା ହେଉଛି, ୭୦ ହଜାର ଟଙ୍କାର ଚାପ ଏକ ଛୋଟ କାରଣ । ଯାହା ପାଇଁ ଜଣେ ଆତ୍ମହତ୍ୟା କରିପାରିବ ନାହିଁ ।
ଆଉ ଜଣେ ହେଉଛନ୍ତି ବିକାଶ । ଯିଏ ପ୍ରଥମେ ଡାଏରୀ ପାଇଥିଲେ ଏବଂ ଯାହା ହାତରେ ଆଶ୍ରମର ଦାୟିତ୍ୱ ଛାଡୁଛନ୍ତି ବୋଲି ସେହି ଚର୍ଚ୍ଚିତ ସୁଇସାଇଡ୍ ନୋଟରେ ଲେଖା ଯାଇଛି ।
ସୋସିଆଲ ମିଡିଆରେ ଖୁସିର ସୂତ୍ର କହୁଥିବା ଏହି ସମାଜସେବୀଙ୍କ ପାଇଁ ନିଜର ଆତ୍ମସମ୍ମାନ ଓ ସ୍ୱାଭିମାନ ବୋଧ ହୁଏ ବହୁତ ଗୁରୁତ୍ୱ ରଖୁଥିଲା । ଏଥିରେ କୌଣସି ଆଂଚ ଆଣିବାକୁ ଚାହୁଁ ନଥିଲେ ଆଦିତ୍ୟ । ତେବେ ଆତ୍ମହତ୍ୟା ପଛରେ ପ୍ରକୃତରେ କଣ କାରଣ ରହିଛି, ତାହା ପୁଲିସ ତଦନ୍ତ ପରେ ସ୍ପଷ୍ଟ ହୋଇଯିବ ।