କୃଷକ ଆନ୍ଦୋଳନରେ ବିଦେଶୀ ଲିଙ୍କ୍ ପ୍ରସଙ୍ଗ । ପାକିସ୍ତାନ ଓ ଖଲିସ୍ତାନ ସହ ଯୋଡି ହୋଇଥିବା ୧୧୭୮ ଟ୍ୱିଟର ଆକାଉଣ୍ଟ ବନ୍ଦ କରିବାକୁ ସରକାରଙ୍କ ନିର୍ଦ୍ଦେଶ
କନକ ବ୍ୟୁରୋ: ଗଣତନ୍ତ୍ର ଦିବସରେ କୃଷକ ମାନେ କରିଥିବା ଟ୍ରାକ୍ଟର ରାଲିରେ ଘଟିଥିବା ହିଂସା ପରେ ସରକାର ପୁରା ସତର୍କ ହୋଇଛନ୍ତି । ଏନେଇ ସରକାରଙ୍କ ତରଫରୁ ସୋସିଆଲ ମିଡିଆ ଉପରେ ସମ୍ପୁର୍ଣ୍ଣ ନଜର ରଖାଯାଇଛି । ଏହାସହ ଗୁରୁବାର ଦିନ ସରକାରଙ୍କ ତରଫରୁ ଟ୍ୱିଟର କମ୍ପାନୀକୁ ଏକ ନୋଟିସ୍ ବି ଜାରି କରାଯାଇଛି । ଏହି ନୋଟିସରେ ସରକାର ମାଇକ୍ରୋବ୍ଲଗିଙ୍ଗ ସାଇଟକୁ କହିଛନ୍ତି କି ୧୧୭୮ ଆକାଉଣ୍ଟକୁ ବନ୍ଦ କରାଯାଉ । ସରକାରଙ୍କ କହିବା କଥା କି ଏହି ସବୁ ଆକାଉଣ୍ଟ ପାକିସ୍ତାନ କିମ୍ବା ଖଲିସ୍ତାନ ସହିତ ଜଡିତ ରହିଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଏହା ପୂର୍ବରୁ ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରସାରଣ ମନ୍ତ୍ରଣାଳୟ ଟ୍ୱିଟରକୁ ନିର୍ଦ୍ଦେଶ ଦେଇଥିଲେ କି ଜାନୁଆରୀ ୩୦ ତାରିଖରେ ହିଂସା ଉଦ୍ରେକକାରୀ ଟ୍ୱିଟ୍ କରିଥିବା ୨୫୭ ଟି ଟ୍ୱିଟର ଆକାଉଣ୍ଟକୁ ବନ୍ଦ କରାଯାଉ । ସୂଚନା ଥାଉକି ଟ୍ୱିଟର ପାଇଁ ଥିବା ଅଧିନିୟମର ଧାରା ୬୯ ମୁତାବକ ସରକାରଙ୍କ ଏଭଳି ନିର୍ଦ୍ଦେଶ ମାନିବାକୁ ଟ୍ୱିଟର ବାଧ୍ୟ । ଗୃହମନ୍ତ୍ରଣାଳୟ ଓ ଅନ୍ୟ ସୁରକ୍ଷା ବିଭାଗର ଆଲୋଚନା ପରେ ଆଇଟି ମନ୍ତ୍ରଣାଳୟ ତରଫରୁ ଟ୍ୱିଟରରୁ ଏଭଳି ଆକାଉଣ୍ଟ ଗୁଡିକୁ ବନ୍ଦ କରିବାକୁ କହିଛନ୍ତି ।
ହେଲେ ଏବେ ବି ସରକାରଙ୍କ ନୋଟିସ ଉପରେ ଟ୍ୱିଟର କୌଣସି ପ୍ରତିକ୍ରିୟା ରଖିନାହିଁ । ସୂଚନା ମୁତାବକ ସରକାରଙ୍କ ତରଫରୁ ଯେଉଁ ଆକାଉଣ୍ଟ ଗୁଡିକୁ ବନ୍ଦ କରିବାକୁ ଟ୍ୱିଟରକୁ ନିର୍ଦ୍ଦେଶ ଦିଆଯାଇଛି ସେହି ଆକାଉଣ୍ଟ ମଧ୍ୟରୁ ଅଧିକାଂଶ ଆକାଉଣ୍ଟ ଖଲିସ୍ତାନୀ ସମର୍ଥକ ମାନଙ୍କର ରହିଛି । ଏହି ଆକାଉଣ୍ଟ ଗୁଡିକ ବିଦେଶରୁ ପରିଚାଳିତ ହେଉଛି ।
ଆଇନଗତ ଭାବେ ଟ୍ୱିଟର ଏକ ମଧ୍ୟସ୍ଥି ଓ ସେ ସରକାରଙ୍କ ନିର୍ଦ୍ଦେଶ ମାନିବାକୁ ବାଧ୍ୟ । ଟ୍ୱିଟର ଯଦି ସରକାରଙ୍କ ନିର୍ଦ୍ଦେଶ ପାଳନ ନ କରେ ତେବେ ତାହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ମୋଟା ଅଙ୍କର ଜରିମାନା ଆଦାୟ କରାଯିବ ବୋଲି ଜଣେ ଅଧିକାରୀ ସୂଚନା ଦେଇଛନ୍ତି ।